ডিজিটেল ডেস্কঃ তেওঁক লৈয়েই সকলোৱে আশা কৰিছিল। বিশ্বকাপৰ ফাইনেলত সৰ্বস্ব উজাৰি তেওঁ দেশক বিজয়ী কৰিবলৈ চেষ্টা কৰিছিল। কিন্তু অষ্ট্ৰেলিয়াৰ হাতত ভাৰত পৰাজিত হ’বলগীয়া হ’ল। দেশৰ ক্ৰিকেট দলটোক শক্তি প্ৰদা কৰা সেইগৰাকী মহম্মদ ছামী আজি মৰ্মাহত। বিশ্বকাপত সকলোৰে হৃদয় জয় কৰিও শেষ মুহূৰ্তত থমকি ৰ’বলগীয়া হ’ল তেওঁ।
সৰ্বাধিক উইকেট সংগ্ৰহকাৰী হোৱা স্বত্বেও বিশ্বকাপ ট্ৰফী ছামীৰ বাবে সপোন হৈয়ে ৰ’ল।খেলৰ অন্তত প্ৰধানমন্ত্ৰী নৰেন্দ্ৰ মোদীয়ে ড্ৰেছিং ৰুমত তাৰকা ফাষ্ট বলাৰজনক সাক্ষাৎ কৰিছিল। মোদীৰ বুকুত মূৰ থৈ মহম্মদ স্বামীয়ে শিশুৰ দৰেই কান্দি উঠিছিল।সেই ছবি খন এতিয়া ভাইৰেল হৈ পৰিছে। ফাইনেলৰ পিছদিনা ছামীয়ে ছবিখন টুইট কৰিছে।মোদীয়ে অশ্ৰুসিক্ত ছামীক তেওঁৰ বাহুৰ মাজলৈ টানি নিছিল আৰু গোটেই ভাৰতীয় দলটোকে সান্ত্বনা দিছিল।
উল্লেখ্য দেওবাৰে প্ৰধানমন্ত্ৰীয়ে অষ্ট্ৰেলিয়াৰ ইনিংছৰ সময়ত খেলখন চাবলৈ গৈছিল। খেলখনৰ পিছত প্ৰধানমন্ত্ৰীয়ে টীম ইণ্ডিয়াৰ কাষত থিয় হৈ টুইট কৰে "মৰমৰ টীম ইণ্ডিয়া, সমগ্ৰ প্ৰতিযোগিতাখনত আপোনালোকৰ প্ৰতিভা আৰু মানসিকতা প্ৰশংসাৰ যোগ্য। আপোনালোকে অতি উৎসাহেৰে খেলিছিল। সমগ্ৰ দেশ এই প্ৰদৰ্শনৰ বাবে গৌৰৱান্বিত। মই সদায় আপোনালোকৰ সৈতে থাকিম। "
সেই সময়ত প্ৰধানমন্ত্ৰীৰ পৰা ক্ৰিকেটাৰলৈকে, দলটোৰ সহায়ক কৰ্মচাৰীলৈকে, সকলোৱে ড্ৰেছিং ৰুমত উপস্থিত আছিল।
Continue Reading
