ডিজিটেল ডেস্ক: ইজৰাইল-পেলেষ্টাইন যুদ্ধই লাভ কৰিছে নতুন গতি৷ ইজৰাইলী সেনাই হামাছৰ ‘সংসদ’ দখল কৰে নিজৰ দেশৰ পতাকা উৰুৱাইছে৷
হামাছৰ সৈতে চলি থকা যুদ্ধৰ মাজতে ইজৰাইলী সেনাই যথেষ্ট সফলতা অৰ্জন কৰিছে৷ দৰাচলতে, ইজৰাইলী প্ৰতিৰক্ষা বাহিনীৰ সৈন্যসকলে গাজাত হামাছৰ সংসদ দখল কৰা বুলি দাবী কৰিছে। ইজৰাইলে শেহতীয়া দাবীত কৈছে যে হামাছে গাজা ষ্ট্ৰিপৰ ওপৰত নিয়ন্ত্ৰণ হেৰুৱাইছে। ইয়াৰ পূৰ্বে ইজৰাইলী সেনাই এখন ফটো শ্বেয়াৰ কৰিছিল, য’ত ইজৰাইলী সৈন্যসকলক হামাছৰ সংসদত তেওঁলোকৰ পতাকা উৰুৱাই থকা দেখা গৈছিল।
ইজৰাইলৰ প্ৰতিৰক্ষা মন্ত্ৰী ইয়োভ গেলেণ্টে সোমবাৰে ইজৰাইলৰ নেচনেল টিভিক সম্বোধন কৰি কয় যে গাজা ষ্ট্ৰিপ সম্পূৰ্ণৰূপে আমাৰ নিয়ন্ত্ৰণত আছে। হামাছ যোদ্ধাসকলে এতিয়া দক্ষিণলৈ পলাই আহিছে। তাত থকা স্থানীয় লোকসকলে হামাছৰ ঘাটিসমূহ লুণ্ঠন কৰি আছে।
অৱশ্যে, এই যুদ্ধ বন্ধ হোৱা যেন নালাগে। যুদ্ধৰ ফলত, গাজাৰ ২.৩ নিযুত লোক ঘৰ এৰি সুৰক্ষিত স্থানলৈ যাবলৈ বাধ্য হৈছে।
ইজৰাইলী সেনাই শ্বেয়াৰ কৰা ছবিসমূহত সেনাৰ সৈন্যসকলক হামাছৰ সংসদত অধ্যক্ষৰ চকীত বহি থকা দেখা গৈছে। তেওঁলোকে ইজৰাইলৰ পতাকাও উত্তোলন কৰি আছে। টাইমছ অব্ ইজৰাইলৰ বাতৰি অনুসৰি ২০০৭ চনৰ পৰা পেলেষ্টাইনী বিধান পৰিষদৰ ভৱনটো হামাছৰ নিয়ন্ত্ৰণত আছিল, যিটো এতিয়া ইজৰাইলী বাহিনীয়ে অধিগ্ৰহণ কৰিছে। ইয়াৰ পূৰ্বে, ইজৰাইলৰ প্ৰধানমন্ত্ৰী বেঞ্জামিন নেতান্যাহুৱে স্পষ্ট কৰি দিছিল যে হামাছক সম্পূৰ্ণৰূপে বিলুপ্ত কৰাৰ পাছতহে এই যুদ্ধ সমাপ্ত হ’ব৷
Continue Reading
