ইউক্ৰেইন ৰাছিয়া যুদ্ধ: ৰাছিয়াৰ সেনাই খাৰকিভত উৰুৱালে গেছ পাইপলাইন

ডিজিটেল ডেস্কঃ ৰাছিয়াৰ সেনাই ইউক্ৰেইনৰ অন্যতম গুৰুত্বপূৰ্ণ চহৰ খাৰকিভলৈ প্ৰাকৃতিক গেছ যোগান ধৰা পাইপলাইন উৰুৱাই দিছে। উক্ত ঘটনাটো আজি পুৱা সংঘটিত হৈছিল। ঘটনাটোৰ ফটো ইতিমধ্যে সামাজিক মাধ্যমত ভাইৰেল হৈ পৰিছে। আক্ৰমণৰ সময়ৰ এখন ফটোত দেখা গৈছে যে গেছ পাইপ লাইনটো বিস্ফোৰণৰ দ্বাৰা উৰি গৈছে। ইয়াৰ পূৰ্বেও শনিবাৰে ৰাছিয়াৰ সেনাই ইউক্ৰেইনৰ ৰাজধানী কিয়েভৰ এটা সুউচ্চ অট্টালিকাত আক্ৰমণ কৰে। এই বিস্ফোৰণত ভৱনটোৰ কিছু অংশ উৰি গৈছিল। এনে ধৰণৰ ঘটনাই এতিয়া সাধাৰণ নাগৰিকৰ মাজত আতংকৰ সৃষ্টি কৰিছে। অৱশ্যে, এই পাইপলাইন কিমান গুৰুত্বপূৰ্ণ সেয়া এতিয়াও কোৱা সম্ভৱ নহয়। এইটোও স্পষ্ট নহয় যে বিস্ফোৰণৰ ফলত চহৰখনলৈ গেছৰ যোগান ব্যাহত হ’ব নে নাই। দৰাচলতে, ৰাছিয়াই ইউৰোপলৈ প্ৰাকৃতিক গেছ যোগান ধৰি যথেষ্ট ধন উপাৰ্জন কৰে। ইউক্ৰেইনৰ সৈতে যুদ্ধ আৰম্ভহোৱাৰ পাছতো, গেছ যোগান প্ৰক্ৰিয়া ব্যাহত হোৱা নাছিল। সূত্ৰঅনুসৰি, ইউক্ৰেনে এতিয়াও ৰাছিয়াৰ পৰা আহৰণ কৰা স্বাভাৱিক গেছ ইউৰোপৰ বাকী অংশলৈ যোগান ধৰি আছে। ৰাছিয়াই বৃহস্পতিবাৰে পুৱা ইউক্ৰেইন আক্ৰমণ আৰম্ভ কৰিছিল। আৰম্ভণিতে, ৰাছিয়াই কিয়েভ আৰু খাৰকিভক লক্ষ্য কৰি বোমা বিস্ফোৰণ আৰম্ভ হৈছিল। আৰম্ভণিতে, ইউক্ৰেইনৰ সেনাই তেওঁলোকৰ বিভিন্ন অঞ্চলৰ আন্তঃগাঁথনি সদৃঢ় আছিল। অৱশ্যে, পিছত, ৰাছিয়াৰ সেনাই অঞ্চলসমূহত প্ৰৱেশ কৰাৰ পাছত অঞ্চলসমূহ চিন-মোকাম নোহোৱা হৈ পৰে। ইউক্ৰেইন চৰকাৰে কয় যে ইতিমধ্যে বহুতো ঘৰ আৰু অট্টালিকা ধ্বংস হৈছে। ইয়াৰ বহুতো ফটো ইণ্টাৰনেটত ভাইৰেল হৈ পৰিছে। সূত্ৰঅনুসৰি, ৰাছিয়ান সেনাই শনিবাৰে ইউক্ৰেইনৰ ৰাজধানী কিয়েভৰ অতি ওচৰ চাপিছিল। চৰকাৰী সূত্ৰমতে ৰাছিয়াৰ সৈন্যই খাৰকিভত প্ৰৱেশ কৰিছিল। ইফালে, ইউক্ৰেইনে ইয়াৰ লগে-লগে ৰাছিয়াকো প্ৰত্যাক্ৰমণ কৰিছে। বৰ্তমান ইউক্ৰেইনৰ সাধাৰণ নাগৰিকো স্বেচ্ছাই সেনা বাহিনীত যোগদান কৰিছে। আনহাতে, ইউক্ৰেইনত ফ্ৰান্সকে ধৰি বিভিন্ন দেশৰ পৰা অস্ত্ৰ-শস্ত্ৰকে ধৰি যুদ্ধ সামগ্ৰী লাভ কৰি আছে।