জেএনইউৰ উপাচাৰ্য হিচাপে দায়িত্ব লোৱাৰ পাছতে সমালোচিত শান্তিশ্ৰী পণ্ডিত: বৰুণ গান্ধীয়ে ক’লে, এয়া নিৰক

ডিজিটেল ডেস্ক: কেন্দ্ৰীয় চৰকাৰে বিগত ৭ ফেব্ৰুৱাৰীত জৱাহৰলাল নেহৰু বিশ্ববিদ্যালয়ৰ নতুন উপাচাৰ্য হিচাপে শান্তিশ্ৰী ঢুলীপূড়ী পণ্ডিতক নিযুক্তি দিয়া কাৰ্যক সমালোচনা কৰিছে লোকসভাৰ সাংসদ তথা জ্যেষ্ঠ বিজেপি নেতা বৰুণ গান্ধীয়ে৷ গান্ধীয়ে সমালোচনা কৰি কয় যে এনেধৰণৰ মধ্যমীয়া নিযুক্তিয়ে আমাৰ মানৱ মূলধনৰ ক্ষতি কৰে আৰু আমাৰ যুৱ-প্ৰজন্মৰ ভৱিষ্যতৰ ক্ষতি কৰে৷ তেওঁ লগতে কয়, কিছুমান উচ্চ শিক্ষা প্ৰতিষ্ঠানক বিশ্বমানৰ সমতুল্য গঢ়ি তুলিবলৈ ভাৰতত সঠিক নেতা থকাও প্ৰয়োজন৷ জেএনইউৰ শিক্ষক সংগঠনে এই নিযুক্তি সন্দৰ্ভত এক টোকা প্ৰকাশ কৰি উল্লেখ কৰিছে যে এই নিযুক্তিয়ে বিশ্ববিদ্যালয়খনৰ আইন আৰু অধ্যাদেশ অনুসৰি এক পক্ষপাতহীন প্ৰশাসন নিশ্চিত কৰা আৰু শিক্ষক-শিক্ষণ কাৰ্যকলাপ পুনৰুদ্ধাৰ কৰাৰ দাবীক উপস্থাপন কৰিব। উল্লেখযোগ্য যে, শান্তিশ্ৰী পণ্ডিত জেএনইউৰ প্ৰথমগৰাকী মহিলা উপাচাৰ্য। তেওঁ এম জগদেশ কুমাৰৰ পৰা দায়িত্ব গ্ৰহণ কৰিছে৷ বিশ্ববিদ্যালয়খনৰ মুৰব্বী হিচাপে কুমাৰৰ এক বিতৰ্কিত কাৰ্যকাল আছিল আৰু তেওঁ এতিয়া বিশ্ববিদ্যালয় অনুদান আয়োগৰ মুৰব্বী হিচাপে কাৰ্যনিৰ্বাহ কৰিব৷ শান্তিশ্ৰী পণ্ডিতে উপাচাৰ্য হিচাপে দায়িত্ব লোৱাৰ পাছৰে পৰা তেওঁৰ কিছু পুৰণি টুইটে দেশজুৰি নতুনকৈ চৰ্চা লাভ কৰিছে৷ পূৰ্বৰ এটা টুইটত তেওঁ অভিনেতা-ৰাজনীতিবিদ কামাল হাছানক ‘হিন্দু উৎপীড়ক’ বুলি উল্লেখ কৰিছিল৷