ডিজিটেল ডেস্কঃ মুছলমান ছাত্ৰীয়ে বিদ্যালয়লৈ হিজাব পিন্ধি অহাকলৈ উত্তেজনা বিয়পি পৰা কৰ্ণাটকত এইবাৰ পৰীক্ষাৰ ফলাফলত জিলিকিল এগৰাকী হিজাব পিন্ধা ছাত্ৰীয়েই৷হিজাব বিতৰ্কৰ মাজতে পৰীক্ষাত বহা ইলহাম নামৰ ছাত্ৰীগৰাকীয়ে শেহতীয়াকৈ ঘোষণা কৰা কৰ্ণাটক পিইউচি (উচ্চতৰ মাধ্যমিক)পৰীক্ষাত ৰাজ্যখনৰ ভিতৰতে দ্বিতীয় স্থান লাভ কৰিছে৷
ফলাফলৰ দিশৰ পৰা ইলহামে দক্ষিণ কৰ্ণাটকৰ ভিতৰত প্ৰথম স্থান অৰ্জন কৰিছে। ইলহামে ছেইণ্ট এলয়ছিয়াছ পিইউ কলেজৰ পৰা পৰীক্ষাত বহি মুঠ ৬০০ নম্বৰৰ ভিতৰত ৫৯৭ নম্বৰ লাভ কৰিছে।
সফলতাৰ ক্ষেত্ৰত ইলহামে কয় যে তেওঁ এনে ফলাফল লাভ কৰিব বুলি ভবা নাছিল।কিন্তু দ্বিতীয় স্থান লাভ কৰাত তেওঁ অত্যন্ত সুখী৷ ভৱিষ্যতে কি হ'ব বিচাৰে বুলি সাংবাদিকে সোধাত ইলহামে কয় যে তেওঁ ক্লিনিকেল চাইকোলজীত বিএছচি কৰিবলৈ আগ্ৰহী।
ইলহামৰ সফলতাই ইণ্টাৰনেটত বেছ জোৱাক তোলা পৰিলক্ষিত হৈছে৷ ৰোমাঞ্চিত কৰিছে। বহুতে কৈছে যে ছাত্ৰীগৰাকীয়ে ধৰ্মীয় পৰিচয় অতিক্ৰম কৰি শীৰ্ষ স্থান লাভ কৰিছে।
উল্লেখ্য কৰ্ণাটকত হিজাব পৰিধান কৰাক লৈ তীব্ৰ উত্তেজনাৰ সৃষ্টি হৈছিল৷ প্ৰতিবাদৰ জুই আনকি দেশৰ বিভিন্ন ৰাজ্যলৈ বিয়পি পৰিছিল৷ উ
৫ ফেব্ৰুৱাৰীত কৰ্ণাটক চৰকাৰে শিক্ষানুষ্ঠানত হিজাব নিষিদ্ধ কৰি নিৰ্দেশ জাৰি কৰাৰ পিছতে প্ৰতিক্ৰিয়াৰ সৃষ্টি হৈছিল৷
Continue Reading
