ডিজিটেল ডেস্ক:
জম্মু আৰু কাশ্মীৰৰ সুৰক্ষাত নিয়োজিত থকা সৈনিক কেইজনমান আজি এক ভয়াৱহ বিপদৰ সন্মুখীন হয় ।জম্মু আৰু কাশ্মীৰ আৰক্ষীক কঢ়িয়াই নিয়া এখন বাছ আজি দুৰ্ঘটনাত পতিত হয়।
এই দুৰ্ঘটনাটো চন্দনবাড়ীৰ সমীপত সংঘটিত হৈছে। তথ্য অনুসৰি, বাছখনত আই টি বি পিৰ ৩৭ জন আৰু ২ জন আৰক্ষী জোৱান আছিল৷
প্ৰাপ্ত তথ্য অনুসৰি, ব্ৰেক ফেইল হোৱাৰ ফলতেই বাছখন দুৰ্ঘটনাত পতিত হয়। জোৱান সকলক কঢ়িয়াই নি থকা বাছখন প্ৰায় ২০০ ফুট তলত থকা নদীত পৰি যায়।
আই টি বি পিৰ ছয়জন জোৱানৰ এই দুৰ্ঘটনাত মৃত্যু হৈছে বুলি জানিব পৰা গৈছে। লগতে বহু কেইজন জোৱান গুৰুতৰভাৱে আঘাতপ্ৰাপ্ত হৈছে৷আঘাতপ্ৰাপ্ত জোৱান সকলক শ্ৰীনগৰ স্থিত আৰ্মী চিকিৎসালয়লৈ লৈ যোৱা হৈছে৷
চন্দনবাড়ীৰ পৰা পহলগ্ৰামলৈ গৈ থকা এই জোৱান সকলক অমৰনাথ যাত্ৰাৰ ডিউটিৰ বাবে নিয়োজিত কৰা হৈছিল বুলি জানিব পৰা গৈছে৷বাছখনত মুঠ ৩৯ জন সেনা জোৱান আছিল৷
Continue Reading
