জনতাৰ মূৰত মাধমাৰ সোধাই পূজাৰ অফাৰ দিছে মোদী চৰকাৰে, জানানে কি এই অফাৰ?

ডিজিটেল ডেস্ক: অনলাইন শ্বপিং, কাপোৰৰ বজাৰৰ ভীৰ অথবা বেণ্ডৰ বস্তু যেন এতিয়া আকাশৰ জোনবাইটোৰ দৰে৷ দূৰৈৰ পৰা চাবহে পাৰি ধৰিব বা আনিব নোৱাৰি৷ পূজাত কাপোৰ লোৱাটো একাংশৰ বাবে যেন এতিয়া সপোন৷ লগতে এইবেলি পূজাত বাইক এৰি চাইকেলৰে আমেজ ল'ব একাংশই৷ কাৰণ বঢ়িছে পেট্ৰ'লৰ দাম৷ এইবেলি পূজাত মোদী চৰকাৰে জনতালৈ দিলে এই বিশেষ উপহাৰটি৷ চেঞ্চুৰী কোবালে পেট্ৰ'লে৷

পিছে খাটিখোৱা জনতাৰহে পকেট খালী৷ অত্যাৱশীয় সামগ্ৰী পৰা পেট্ৰ'লৰ মূল্য ভাৰ সহিব নোৱাৰি পূজাৰ কাপোৰ বৰ্জন কৰিলে বহুজনে৷ সমান্তৰালকৈ বৃদ্ধি পাইছে ডিজেলৰ মূল্য, ৰন্ধন গেছৰ মূল্যও হাজাৰৰ ঘৰ অতিক্রম কৰিছে৷ আজি বিশ্বনাথত, চৰাইদেউ, ধেমাজি, ধুবুৰী, মাজুলী, দৰং, নলবাৰী, মৰিগাঁও, নগাঁও ইত্যাদি জিলাত পেট্র’লৰ মূল্য শতকৰ ঘৰ অতিক্রম কৰিলে৷ গুৱাহাটী মহানগৰীত আজি পেট্র'লৰ মূল্য হ'লগৈ ৯৯.৫০৷

পৰিবৰ্তনশীন চৰকাৰৰ এই মূল্যবৃদ্ধি ধমাকাই যেন অতিস্থ কৰিছে জনতাক৷ সেয়ে ‘প্ৰাগ নিউজ’ৰ সাংবাদিকৰ আগতো ক্ষোভ উজাৰে ভুক্তভোগী জনতাই৷ লগতে কয় যে, 'পূজাত কাপোৰ লোৱা বাদ দিছো, বাইক-গাড়ী এৰি চাইকেল চলাবলৈ লৈছো৷' আনহাতে আন একাংশই কয়, 'মূল্যবৃদ্ধি নিয়ন্ত্রণত ব্যৰ্থ চৰকাৰ৷ এফালে আলু-পিঁয়াজ, মিঠাতেল ইত্যাদি সামগ্রীৰ দাম বৃদ্ধি আনফালে পেট্র’ল-ডিজেল, ৰন্ধন গেছৰ অস্বাভাৱিক দাম বৃদ্ধি কেনেকৈ চলিম আমি?'