ডিজিটেল ডেস্কঃ এক মায়াৱী কণ্ঠ ৰুদ্ধ হৈ পৰিল চিৰদিনলৈ। সমগ্ৰ দেশক শোকস্তদ্ধ কৰি নেদেখা সিপাৰলৈ গুচি গ'ল ভাৰতৰ নয়নৰ মণি, কোকিলকণ্ঠী গায়িকা লতা মংগেশকাৰ। ভাৰতীয় সংগীতক অনন্য মাত্ৰা প্ৰদান কৰা লতা মংগেশকাৰৰ অসমৰ সৈতেও আছিল মধুৰ সম্পৰ্ক। তেওঁ কেইবাটাও অসমীয়া গীতত সুললিত কণ্ঠ নিগৰাই অসম ভূমিক সমৃদ্ধ কৰি থৈ গৈছে।
সুধাকণ্ঠ ভূপেন হাজৰিকাৰ সৈতেও লতা মংগেশকাৰৰ আছিল ঘনিষ্ঠ সম্পৰ্ক। দূৰদৰ্শনৰ জনপ্ৰিয় ৰিয়েলিটি শ্ব' 'মেৰে আৱাজ শুনো'ৰ ফাইনেল ৰাউণ্ডত ভূপেন হাজৰিকাৰ সৈতে বিচাৰকৰ আসনত বহিছিল লতা মংগেশকাৰ। ভূপেন হাজৰিকাই সংগীত পৰিচালনা কৰা হিন্দী ছবি ‘Rudaali’ত কণ্ঠ নিগৰাইছিল লতা জীয়ে। সুধাকণ্ঠক দাদা বুলি মাতিছিল লতা জীয়ে। অসমীয়া ছবিতো গীত গাইছিল লতা মংগেশকাৰে।
’অপৰাজেয়’ ছবিত শনি তালুকদাৰে ৰচনা কৰা আকাশ ’অ’ আকাশ মোক জোনাকী এমুঠি দিয়া’ গীতটো গাইছিল লতা মংগেশকাৰে। ‘জোনাকৰে ৰাতি, অসমীৰে মাটি, জিলিকি জিলিকি পৰে…’কোনে শুনা নাই এই সুমধুৰ গীত। যি গীত অসমীয়া সংগীত জগতত কালজয়ী গীত ৰূপেৰে জিলিকি আছে। এই চিৰযুগমীয়া গীতটি গাইছিল লতা মংগেশকাৰে। এই গীতটিৰ কথা, সুৰ আৰু সংগীত আছিল ভূপেন হাজৰিকাৰ।
'এৰা বাটৰ সুৰ' ছবিখনত ১৯৫৬চনত লতা মংগেশকাৰে গাইছিল এই কালজয়ী গীতটি। গীতটিত লতাজীৰ মায়াৱী কণ্ঠত সাৰ পাই উঠিছিল অসমৰ স্নিগ্ধ জোনাক ৰাতিৰ এক মনোমোহা ছবি। এই গীত কৰ্ণকুহৰেদি কুৰুকি কুৰুকি সোমাই প্ৰতিজন অসমীয়াৰ বুকুত বিয়পি পৰিল। আজিও সেই গীত শুনিলে হিয়া শাঁত পৰে অসমীয়াৰ।
‘গোদাবৰী নৈৰে পৰা অসমী আইলৈ যাচো প্ৰণাম’ এই গীতটি অসমীয়া সংগীত জগতত অন্যতম এটি জনপ্ৰিয় গীত। এগৰাকী মাৰাঠী নাৰীৰ হৃদয়ত কিদৰে অসম প্ৰেমে জোৱাৰ তুলিছিল সেই কথা খুব সুন্দৰকৈ এই গীতটিত প্ৰকাশ পাইছিল। এই গীততো কণ্ঠদান কৰিছিল লতা মংগেশকাৰে। দূৰণিৰ দেশ হ’লেও গোদাবৰী নৈৰ পাৰৰ পৰাই অসমলৈ তেওঁ জনাইছিল প্ৰণাম।
ভূপেন হাজৰিকাৰ সৈতে ‘দুয়ো মুখামুখি’ শীৰ্ষক গীতটি গোৱাৰ লগতে ‘মই অধাই জলধিৰ মাজলৈ’ শীৰ্ষক গীতটোও গাইছিল লতা মংগেশকাৰে। বহু কেইখন অসমীয়া চিনেমা আৰু এলবামৰ গীতত কণ্ঠদান কৰি অসমীয়া সংগীতক জীপাল কৰি যোৱা লতাজী অসমবাসীৰ মন আকাশত সদায় ভোটা তৰা হৈ উজলি থাকিব।
আৰু পঢ়কঃ এক সোণালী যুগৰ অৱসান! ঘূৰি নহা বাটেৰে গুচি গ’ল লতা মংগেশকাৰ
’অপৰাজেয়’ ছবিত শনি তালুকদাৰে ৰচনা কৰা আকাশ ’অ’ আকাশ মোক জোনাকী এমুঠি দিয়া’ গীতটো গাইছিল লতা মংগেশকাৰে। ‘জোনাকৰে ৰাতি, অসমীৰে মাটি, জিলিকি জিলিকি পৰে…’কোনে শুনা নাই এই সুমধুৰ গীত। যি গীত অসমীয়া সংগীত জগতত কালজয়ী গীত ৰূপেৰে জিলিকি আছে। এই চিৰযুগমীয়া গীতটি গাইছিল লতা মংগেশকাৰে। এই গীতটিৰ কথা, সুৰ আৰু সংগীত আছিল ভূপেন হাজৰিকাৰ।
'এৰা বাটৰ সুৰ' ছবিখনত ১৯৫৬চনত লতা মংগেশকাৰে গাইছিল এই কালজয়ী গীতটি। গীতটিত লতাজীৰ মায়াৱী কণ্ঠত সাৰ পাই উঠিছিল অসমৰ স্নিগ্ধ জোনাক ৰাতিৰ এক মনোমোহা ছবি। এই গীত কৰ্ণকুহৰেদি কুৰুকি কুৰুকি সোমাই প্ৰতিজন অসমীয়াৰ বুকুত বিয়পি পৰিল। আজিও সেই গীত শুনিলে হিয়া শাঁত পৰে অসমীয়াৰ।
‘গোদাবৰী নৈৰে পৰা অসমী আইলৈ যাচো প্ৰণাম’ এই গীতটি অসমীয়া সংগীত জগতত অন্যতম এটি জনপ্ৰিয় গীত। এগৰাকী মাৰাঠী নাৰীৰ হৃদয়ত কিদৰে অসম প্ৰেমে জোৱাৰ তুলিছিল সেই কথা খুব সুন্দৰকৈ এই গীতটিত প্ৰকাশ পাইছিল। এই গীততো কণ্ঠদান কৰিছিল লতা মংগেশকাৰে। দূৰণিৰ দেশ হ’লেও গোদাবৰী নৈৰ পাৰৰ পৰাই অসমলৈ তেওঁ জনাইছিল প্ৰণাম।
ভূপেন হাজৰিকাৰ সৈতে ‘দুয়ো মুখামুখি’ শীৰ্ষক গীতটি গোৱাৰ লগতে ‘মই অধাই জলধিৰ মাজলৈ’ শীৰ্ষক গীতটোও গাইছিল লতা মংগেশকাৰে। বহু কেইখন অসমীয়া চিনেমা আৰু এলবামৰ গীতত কণ্ঠদান কৰি অসমীয়া সংগীতক জীপাল কৰি যোৱা লতাজী অসমবাসীৰ মন আকাশত সদায় ভোটা তৰা হৈ উজলি থাকিব।
আৰু পঢ়কঃ এক সোণালী যুগৰ অৱসান! ঘূৰি নহা বাটেৰে গুচি গ’ল লতা মংগেশকাৰ
