কাৰ্গিলৰ জুই-ধোঁৱাই শেষ কৰিব নোৱৰা সাংবাদিকগৰাকী এতিয়া ক’ত?

ডিজিটেল ডেস্কঃ কাৰ্গিলৰ যুদ্ধৰ সেই সাহসী সাংবাদিকগৰাকীৰ বিষয়ে আপোনাৰ মনত আছেনে? সাংবাদিকতাৰে তেওঁ জগত জিনিব বিচাৰিছিল৷ সাংবাদিকতাৰ পৰিচয়ৰে তেওঁ দেশ আৰু বিশ্বত সুনাম কঢ়িয়াইছে৷ এগৰাকী নিৰ্ভীক আৰু নিৰপেক্ষ সাংবাদিকতাৰ ইতিহাসে তেওঁৰ নাম সদায়ে সোৱৰিব প্ৰজন্মৰ পাছত প্ৰজন্মই৷ তেওঁ হৈছে বৰ্ষা দত্ত৷ সাংবাদিকতাৰ পৰিৱেশত জন্ম লাভ কৰা বৰ্ষা দত্ত মাতৃ প্ৰভা দত্ত আছিল এগৰাকী প্ৰতিষ্ঠিত সাংবাদিক৷ তেওঁৰ পিতৃ এছ পি দত্ত ভাৰতীয় বায়ু সেনাৰ বিষয়া আছিল৷ আনুষ্ঠানিক শিক্ষা হিচাপে বৰ্ষা দত্তই দিল্লীৰ ষ্টিফেন কলেজৰ পৰা ইংৰাজী বিষয়ত ডিগ্ৰীধাৰী। বৰখা দত্তই জামিয়া মিলিয়া ইছলামিয়াৰ পৰা গণ যোগাযোগত স্নাতকোত্তৰ ডিগ্ৰীও অৰ্জন কৰিছে। তদুপৰি তেওঁ নিউয়ৰ্কৰ কলম্বিয়া বিশ্ববিদ্যালয়ৰ পৰা স্নাতক ডিগ্ৰীও লাভ কৰিছে।

বৰ্ষাৰ কেৰিয়াৰ
বৰখা দত্তই এনডিটিভিৰ সৈতে কেৰিয়াৰ সাংবাদিকতাৰ জীৱনৰ পাতনি মেলিছিল৷ এনডিটিভিত তেওঁ প্ৰায় ২১ বছৰ কাম কৰিছিল৷ মাত্ৰ ২১ বছৰ বয়সতে তেওঁ সাংবাদিকতাৰ পৃথিৱীখনত খোজ পেলাইছিল৷। ১৯৯৯ চনৰ কাৰ্গিল যুদ্ধৰ সময়ত বৰখা দত্তই যুদ্ধক্ষেত্ৰৰ পৰা যুদ্ধৰ সকলো খবৰ যোগান ধৰা ভাৰতৰ একমাত্ৰ সাংবাদিক আছিল৷ বৰ্ষাই সেই সময়ত কেপ্টেইন বিক্ৰম বাত্ৰাৰ সাক্ষাৎকাৰ লৈছিল, যি সেই সময়ত সকলোৰে চৰ্চিত আছিল৷ বৰ্ষাই তেওঁৰ কেৰিয়াৰৰ কেইবাটাও গুৰুত্বপূৰ্ণ বিষয়ৰ বিষয়ে প্ৰতিবেদন আগবঢ়াইছে, যাৰ ভিতৰত আছে ২০০২ চনৰ গুজৰাট সাম্প্ৰদায়িক সংঘৰ্ষ, ২০০৪ চনৰ ভূমিকম্প আৰু চুনামি, ২০০৮ চনৰ মুম্বাই সন্ত্ৰাসবাদী আক্ৰমণ ইত্যাদি৷ উল্লেখ্য যে, বৰখা দত্তই ২০১৭ চনলৈকে এনডিটিভিত কাম কৰিছিল।

বৰখা দত্তই কেইবাখনো ৰাষ্ট্ৰীয় আৰু আন্তঃৰাষ্ট্ৰীয় বাতৰি কাকততো কাম কৰিছিল। বৰ্ষা দত্তই তিৰঙ্গা টিভিত টিভি এংকৰ আৰু পৰামৰ্শদাতা সম্পাদক হিচাপে কাম আৰম্ভ কৰিছিল। অৱশ্যে, তিৰঙ্গা টিভিৰ মালিক কপিল চিব্বল আৰু তেওঁৰ পত্নী প্ৰমিলা চিব্বলে পিছত বৰখা দত্তক 'অনুশাসনমূলক ভিত্তিত' বৰ্খাস্ত কৰে।

বৈবাহিক সম্পৰ্ক

বৰ্ষা দত্তৰ দুবাৰ বিয়া হৈছে। বৰখা দত্তৰ প্ৰথম স্বামীৰ নাম মীৰ আৰু তেওঁ এজন কাশ্মীৰী মুছলমান। অৱশ্যে, দুয়োৰে বিয়াৰ ৬ মাহ পিছতে দুয়োৰে মাজত বিবাহ বিচ্ছেদ হয়। ইয়াৰ কিছু দিনৰ পাছতে তেওঁ পুনৰ বিয়াত বহে৷ বৰখা দত্তৰ দ্বিতীয় স্বামী হৈছে ড০ হাসিব দ্ৰাবু আৰু তেওঁ এজন কাশ্মীৰী মুছলমান। ড. হাসিব দ্ৰাবু জে এণ্ড কে বেংকৰ অধ্যক্ষ আছিল। অৱশ্যে, বৰখা দত্তৰ তেওঁৰ লগতো সম্পৰ্ক স্থায়ী নহ’ল আৰু শেষত দুয়োৰে মাজত বিবাহ বিচ্ছেদ হ’ল৷

বৰ্ষাৰ ধৰ্ম

বৰ্ষা দত্তই যদিও তেওঁ এটা হিন্দু পৰিয়ালত জন্ম গ্ৰহণ কৰিছিল যদিও, তেওঁ আচলতে কোনো ধৰ্মকে বিশ্বাস নকৰে, তেওঁ আচলতে নিজকে নাস্তিক বুলিহে পৰিচয় দিব বিছাৰে৷

বৰ্ষা আৰু বৰ্তমান

বৰ্ষাই শেহতীয়াকৈ নিজা ইউটিউব চেনেল খুলি নিজৰ কৰ্ম কৰি গৈছে আৰু তেওঁ এগৰাকী মবাইল সাংবাদিকতাও কৰে৷ বৰ্তমান তেওঁ হিন্দুস্তান টাইমছ আৰু দ্য ৱাশ্বিংটন পোষ্টৰ এগৰাকী স্তম্ভলেখক।