কানাডাত পথ দুৰ্ঘটনাত নিহত পাঁচ ভাৰতীয় ছাত্ৰ, দুজন আহত

ডিজিটেল ডেস্ক : এক ভয়ংকৰ পথ দুৰ্ঘটনাত পাঁচজনকৈ ছাত্ৰৰ মৃত্যু হোৱাৰ লগতে আহত হয় আন দুজন গুৰুতৰভঅৱে আহত হয়৷ কানাডাৰ টৰণ্টোৰ ওচৰতে হোৱা দুৰ্ঘটনাত পাঁচজন ভাৰতীয় শিক্ষাৰ্থীৰ মৃত্যু হয়৷ শিক্ষাৰ্থীকেইজনে শনিবাৰে পুৱা এখন যাত্ৰীবাহী ভানত পশ্চিমলৈ যাত্ৰা কৰাৰ সময়তে বাহনখন ট্ৰেক্টৰ-ট্ৰেইলাৰৰ সৈতে সংঘৰ্ষত লিপ্ত হয়। এই শোকাৱহ দুৰ্ঘটনাত পাঁচজনকৈ ভাৰতীয় শিক্ষাৰ্থীৰ মৃত্যু হয় বুলি কানাডাৰ ভাৰতীয় উচ্চআয়োগে জানিবলৈ দিয়ে। আনহাতে এই দুৰ্ঘটনাত দুজন যাত্ৰী গুৰুতৰভাৱে আঘাতপ্ৰাপ্ত হৈ চিকিৎসালয়ত ভৰ্তি হৈ আছে। স্থানীয় সংবাদ মাধ্যমৰ বাতৰি অনুসৰি, আৰক্ষীয়ে জনোৱামতে ঘটনাস্থলীত ২৪ বছৰীয়া হৰপ্ৰীত সিং, ২১ বছৰীয়া জস্পিন্দৰ সিং, ২২ বছৰীয়া কৰণপাল সিং, ২৩ বছৰীয়া মোহিত চৌহান আৰু ২৩ বছৰীয়া পৱন কুমাৰক মৃত ঘোষণা কৰা হয়। তেওঁলোক আটাইকেইজনে মণ্ট্ৰিয়েল আৰু গ্ৰেটাৰ টৰণ্টো অঞ্চলত অধ্যয়ন কৰি আছিল। ভাৰতীয় দূত অজয় বিছাৰিয়াই টুইটযোগে কয়, "কানাডাত হৃদয় ভঙা ট্ৰেজেডীঃ শনিবাৰে টৰণ্টোৰ ওচৰত এক অটো দুৰ্ঘটনাত ৫ জন ভাৰতীয় ছাত্ৰৰ মৃত্যু হয়। চিকিৎসালয়ত আন দুজন। মৃতসকলৰ পৰিয়াললৈ গভীৰ সমবেদনা জ্ঞাপন কৰিছো। @IndiainToronto দলটোৱে সহায়ৰ বাবে ভুক্তভোগী সকলৰ বন্ধুবৰ্গৰ সৈতে যোগাযোগ কৰি আছে।" https://twitter.com/Ajaybis/status/1503162117209280513?s=20&t=nbTD2tFN5oHfQHwfpjQwyg ৰাষ্ট্ৰসংঘৰ ভাৰতৰ স্থায়ী প্ৰতিনিধি টি এছ তিৰুমূৰ্তিয়ে উত্তৰ দিছিল, "পৰিয়ালকেইটালৈ গভীৰ সমবেদনা জ্ঞাপন কৰিছো। আৰক্ষীয়ে জনোৱা মতে দুৰ্ঘটনাৰ তদন্ত চলি আছে আৰু কোনো অভিযোগ দিয়া হোৱা নাই।