ডিজিটেল ডেস্কঃ প্ৰেমে কেৱল বয়সৰ সীমাই নহয়, দেশৰো সীমা নামানে! কাৰ কেতিয়া ক’ত কেনেকৈ প্ৰেম হয় কোনেনো জানে? আমালৈ অহা খবৰ অনুসৰি, প্ৰেমৰ বাবেই সীমান্তৰ কাইটীয়া তাঁৰ পাৰ হৈ এগৰাকী যুৱতী ভাৰতৰ ভূমিত প্ৰৱেশ কৰিছিল। সেই অপৰাধতে বাংলাদেশৰ যুৱতীগৰাকীক সীমান্ত সুৰক্ষা বাহিনীয়ে আটক কৰে। শনিবাৰৰ আবেলি কোচবিহাৰ তুফানগঞ্জৰ প্ৰেমিকক লগ কৰিবলৈ বাংলাদেশৰ যুৱতীগৰাকীয়ে কোচবিহাৰৰ দীঘলটাৰী সীমান্তৰে ভাৰতত অবৈধভাৱে প্ৰৱেশ কৰে।
অবৈধভাৱে প্ৰৱেশ কৰাত ১২৯ নম্বৰ সীমান্ত সুৰক্ষা বাহিনীয়ে যুৱতীগৰাকীক আটক কৰি সাহেৱগঞ্জ আৰক্ষীক গটাই দিয়ে। বংগ আৰক্ষীয়ে আজি যুৱতীগৰাকীক দিনহাটা মহকুমা স্বাস্থ্যকেন্দ্ৰত স্বাস্থ্যপৰীক্ষা কৰি দিনহাটা মহকুমা হাজিৰ কৰে। আদালতে যুৱতীগৰাকীক ১৪ দিনৰ বাবে জে’ল হাজোলৈ প্ৰেৰণ কৰে। উল্লেখ্য যে বংগৰ তুফানগঞ্জৰ এজন যুৱকৰ সৈতে বাংলাদেশী যুৱতীগৰাকীৰ দীৰ্ঘদিন ধৰি ফেচবুকৰ জৰিয়তে প্ৰেম চলি আছিল।
Continue Reading
