ডিজিটেল ডেস্ক; প্ৰৱল বৃষ্টিপাতৰ বাবে কেৰালা আৰু তামিলনাডুত অ‘ৰেঞ্জ এলাৰ্ট জাৰি কৰা হৈছে৷ ধাৰাসাৰ বৰষুণৰ বাবে পুডুচেৰীত বন্ধ দিয়া হৈছে বিদ্যালয়।
কেৰালা আৰু তামিলনাডু চৰকাৰে মঙলবাৰে ৰাজ্যদুখনৰ বাসিন্দাসকলক সতৰ্ক হ’বলৈ পৰামৰ্শ জাৰি কৰিছে৷ কিয়নো উত্তৰ-পূব মৌচুমী বায়ুৰ প্ৰভাৱত অঞ্চলটোত ধাৰাসাৰ বৰষুণৰ সৃষ্টি হৈছে৷
কেৰালাত বুধবাৰ আৰু বৃহস্পতিবাৰে ধাৰাসাৰ বৰষুণ হোৱাৰ সম্ভাৱনা আছে৷ আনহাতে তামিলনাডু আৰু পুডুচেৰীত বুধবাৰে ধাৰাসাৰ বৰষুণ হোৱাৰ সম্ভাৱনা আছে।
প্ৰৱল বৃষ্টিপাতৰ প্ৰতিক্ৰিয়াস্বৰূপে পুডুচেৰী আৰু কৰাইকালৰ বিদ্যালয়সমূহ বন্ধ ঘোষণা কৰা হৈছে। চেন্নাইৰ আঞ্চলিক বতৰ বিজ্ঞান কেন্দ্ৰই তামিলনাডুৰ ১০খনতকৈও অধিক জিলাত পৰৱৰ্তী দুদিনত মাজে মাজে বৰষুণ হোৱাৰ ভৱিষ্যদ্বাণী কৰিছে। বুধবাৰে ৰাজ্যখনৰ বহু ঠাইত পাতলৰ পৰা মধ্যমীয়া বৰষুণ হোৱাৰ সম্ভাৱনা আছে।
Continue Reading
