ডিজিটেল ডেস্কঃ কিছুদিন আগতে গম পোৱা গৈছিল যে জেলত থকা অৱস্থাত সুকেশে জেকুলিন ফাৰ্ণাণ্ডেজৰ বাবে নৱৰাত্ৰিৰ দিনা ব্ৰত ৰাখিছে। কনমেনে দাবী কৰে যে তেওঁ জীৱনত প্ৰথমবাৰৰ বাবে কাৰোবাৰ বাবে ব্ৰত ৰাখিছে। সুকেশৰ ভাষাত "নৱৰাত্ৰিৰ ন দিনত মই জেকলিনৰ বাবে উপবাস কৰিম, যাতে কোনো দুষ্ট শক্তিয়ে তাইক স্পৰ্শ কৰিব নোৱাৰে।"
সুকেশৰ এই দাবীৰ এসপ্তাহৰ ভিতৰতে জেকুলিন ফাৰ্ণাণ্ডেজ কেদাৰনাথলৈ গৈ পূজা আগবঢ়ালে। ছচিয়েল মিডিয়া পেজতো কেইবাখনো ছবি পোষ্ট কৰিছে। কেদাৰনাথলৈ যোৱাৰ ছবি আৰু ভিডিঅ’ ৰাজহুৱা হৈ পৰে। কাৰাগাৰত বন্দী প্ৰেমিকৰ বাবে প্ৰাৰ্থনা কৰিবলৈ নায়িকাই তীৰ্থযাত্ৰা কৰিছে নেকি?
দিল্লীৰ মণ্ডোলী কাৰাগাৰত আছে সুকেশ। জেলতো কনমেনজন প্ৰেমত পৰিছে। জেলৰ পৰাই তেওঁ অভিনেত্ৰীগৰাকীলৈ কেইবাবাৰো প্ৰেমৰ চিঠি লিখিছিল। কনমেন সুকেশে দাবী কৰিছে যে জেকলিনৰ মুখত হাঁহি বিৰিঙাবলৈ তেওঁ যিকোনো কাম কৰিব পাৰে। যদিও বলীউডৰ অভিনেত্ৰীগৰাকীয়ে কেতিয়াও ৰাজহুৱাভাৱে সুকেশৰ সৈতে সম্পৰ্ক স্বীকাৰ কৰা নাই।
Continue Reading
