ডিজিটেল ডেস্কঃ "প্ৰেমৰ কোনো সংস্কৃতি, সীমা, জাতি আৰু ধৰ্ম নাই। প্ৰেমে কোনো দুৰত্ব নামানে৷ সাত সাগৰ পাৰ হৈ তুৰ্কী এগৰাকী যুৱতী বিয়াত বহিল এজন ভাৰতীয় যুৱকৰ সৈতে৷ তুৰ্কীৰ এগৰাকী মহিলাই মঙলবাৰে এক পৰম্পৰাগত অনুষ্ঠানত গুন্টুৰৰ এজন পুৰুষৰ সৈতে বিবাহ পাশত আৱদ্ধ হৈছিল।
অন্ধ্ৰ প্ৰদেশৰ গুন্টুৰৰ বাসিন্দা মধু সংকীয়ৰ্থ নামৰ যুৱকজনে ২০১৬ চনত তুৰ্কীৰ গিজেমক লগ পাইছিল। গিজেম আৰু মধু এটা কামৰ প্ৰকল্পত দেখিছিল আৰু লাহে লাহে বন্ধু হৈ পৰিছিল। পিছত, মধু কামৰ বাবে তুৰস্কলৈ স্থানান্তৰিত হয়, য'ত গিজেম বাস কৰিছিল। পৰৱৰ্তী সময়ত দুয়ো প্ৰেমত পৰিছিল আৰু তেওঁলোকৰ বন্ধুত্ব ভালপোৱালৈ গতি কৰিলে।
অৱশ্যে, তেওঁলোকৰ এই সম্পৰ্ক দুয়োখন ঘৰে সমৰ্থন জনোৱা নাছিল, কিন্তু তেওঁলোকৰ ভালপোৱা ইমানেই গভীৰ আছিল যে, ঘৰখনেও তেওঁলোকৰ সম্পৰ্ক মানি লবলৈ বাধ্য হৈছিল। পিতৃ-মাতৃৰ সহমতৰ পাছত, দম্পতীহালে ২০১৯ বাগদান কৰিছিল, লগতে সিদ্ধান্ত হৈছিল যে তেওঁলোকে পৰৱৰ্তী বছৰত বিবাহ পাশত আৱদ্ধ হ'ব, কিন্তু কোভিডৰ বাবে তেওঁলোকৰ পৰিকল্পনা বাতিল কৰা হৈছিল। এতিয়া তেওঁলোকে দুয়োখন ঘৰৰ আত্মীয়ৰ উপস্থিতিত দুয়োগৰাকী বিয়াত বহে আৰু তেওঁলোকৰ বিয়াখন এতিয়া সামাজিক মাধ্যমত ভাইৰেল হৈ পৰিছে৷
