ডিজিটেল ডেস্কঃ আমেৰিকাৰ প্ৰাক্তন ৰাষ্ট্ৰপতি ড’নাল্ড ট্ৰাম্পৰ প্ৰথম পত্নী ইভানা ট্ৰাম্পৰ মৃত্যু। ৭৩ বছৰ বয়সত মৃত্যু হয় তেওঁৰ।
নিউয়ৰ্কৰ মুখ্য চিকিৎসা পৰীক্ষকে শুকুৰবাৰে জনোৱা মতে, আমেৰিকাৰ প্ৰাক্তন ৰাষ্ট্ৰপতিগৰাকীৰ প্ৰথম পত্নী ইভানা ট্ৰাম্পৰ ডিঙিৰ ওচৰত ব্লাণ্ট ইমপেক্ট আঘাত পাই মৃত্যু হোৱা বুলি সদৰী কৰিছিল।
অৱশ্যে, কি পৰিস্থিতিত তেওঁৰ মৃত্যু হ’ল সেই বিষয়ে বিবৃতিটোত উল্লেখ কৰা হোৱা নাই। আমেৰিকাৰ সংবাদ মাধ্যমৰ বাতৰি অনুসৰি, ৭৩ বছৰীয়া ইভানাৰ মানহাটানৰ ঘৰত চিৰিৰ পৰা পৰি মৃত্যু হৈছে নে নাই সেই তত্ত্বৰ তদন্ত চলাই আছে আৰক্ষীয়ে।
নিউয়ৰ্ক আৰক্ষী বিভাগৰ এগৰাকী মুখপাত্ৰই এক বিবৃতিত কয় যে, আপাৰ ইষ্ট চাইডত থকা ইভানা ট্ৰাম্পৰ ঠিকনাৰ পৰা অহা ফোনত বিষয়াসকলে সঁহাৰি জনায়। তাত তেওঁলোকে তেওঁক অচেতন আৰ প্ৰতিক্ৰিয়াহীন অৱস্থাত পাইছিল বুলি সদৰী কৰে।
ড’নাল্ড ট্ৰাম্পে ছ’চিয়েল মিডিয়া প্লেটফৰ্ম ট্ৰুথ ছ’চিয়েলত কয় যে, নিউয়ৰ্কত থকা নিজৰ ঘৰত ইভানা ট্ৰাম্পৰ মৃত্যু হয়। ৭৬ বছৰীয়া ড’নাল্ড ট্ৰাম্পে কয় যে, ‘তেওঁ এগৰাকী আচৰিত, ধুনীয়া আৰু অসাধাৰণ মহিলা আছিল, যিয়ে এক আচৰিত আৰু প্ৰেৰণাদায়ক জীৱন যাপন কৰিছিল।’
Continue Reading
