খাদ্য খালে পেট ফুলি উঠে নেকি? এনে অৱস্থাত আপুনি কি কৰিব, জানি লওঁক

ডিজিটেল ডেস্ক : বিভিন্ন কাৰণত পেট ফুলিব পাৰে। পেটৰ চৰ্বি জমা হোৱা, পেটত পানী জমা হোৱা আৰু বায়ু বা মল জমা হোৱাতো পেট ফুলাৰ দৰে সমস্যাৰ সৃষ্টি হ’ব পাৰে। বহুতে আকৌ খাদ্য খোৱাৰ লগে লগে পেট ফুলা অনুভৱ কৰে। পুষ্টিবিদসকলৰ মতে কেতিয়াবা খাদ্যৰ পৰিৱৰ্তনেও পেট ফুলাৰ কাৰণ হ’ব পাৰে।

কোষ্ঠকাঠিন্য, গেছ বা পাচনতন্ত্ৰৰ বিভিন্ন সমস্যাও পেট ফুলাৰ কাৰণ হ’ব পাৰে। আৰু এই ধৰণৰ সমস্যা দীৰ্ঘদিন ধৰি চলি থাকিলে জটিল ৰোগৰ কবলত পৰাৰ আশংকাও বাঢ়ি যায়। কিন্তু এই প্ৰতিকাৰৰ দ্বাৰা সমস্যাটো সহজে সমাধান পাব পাৰি জানি লওক।

১. ভালদৰে চোবাই খাব-

পুষ্টিবিদসকলৰ মতে আপুনি কি খায় তাতকৈ গুৰুত্বপূৰ্ণ যে আপুনি কেনেকৈ খায়। যেতিয়াই আপুনি খৰধৰকৈ খায় তেতিয়াই আপুনি অধিক পেট ফুলা অনুভৱ কৰিব পাৰে। গতিকে খাদ্য সদায় লাহে লাহে চোবাই খাবলৈ চেষ্টা কৰক।

২. পটাছিয়ামসমৃদ্ধ খাদ্য খোৱাটো জৰুৰী-

পুষ্টিবিদসকলে পেট ফুলা কমোৱাৰ বাবে পটাছিয়ামসমৃদ্ধ খাদ্য প্ৰচুৰ পৰিমাণে খাবলৈ পৰামৰ্শ দিয়ে। যদি আপোনাৰ প্ৰায় প্ৰতিদিনে পেট ফুলাৰ দৰে সমস্যা হয়, তেন্তে কল, মিঠা আলু, আমৰা দৈনিক খাদ্য তালিকাত ৰাখক। পুষ্টিবিদসকলৰ মতে পটাছিয়ামসমৃদ্ধ খাদ্য গ্ৰহণে প্ৰদাহ হ্ৰাস কৰাত ভূমিকা পালন কৰে।

৩. ছ’ডিয়ামৰ পৰিমাণ হ্ৰাস কৰিবঃ-দৈনিক খাদ্যত ছ’ডিয়ামৰ মাত্ৰা বৃদ্ধি কৰিলে শৰীৰত পানী জমা হোৱাৰ মাত্ৰাও বৃদ্ধি পায়, যাৰ ফলত পেট ফুলাৰ দৰে সমস্যাৰ সৃষ্টি হ’ব পাৰে। গতিকে ব্ৰেড ৰোল, পিজ্জা, চেণ্ডুইচ, ফ্ৰ’জেন মাংস, চূপ আদিৰ দৰে নিমখীয়া খাদ্য পৰিহাৰ কৰক।

৪. গেষ্ট্ৰাইটিছ নলীত বৃহৎ পৰিমাণৰ বায়ু বা গেছ জমা হ’লে পেট ফুলা হ’ব পাৰে। হজমৰ সময়তো গেছ উৎপন্ন হয়। যিয়ে অস্বস্তি বৃদ্ধি কৰিব পাৰে। গতিকে প্ৰতিটো গধুৰ আহাৰ গ্ৰহণৰ পাছত আজোৱান, চপ, জিৰা মিহলোৱা পানীয় গ্ৰহণ কৰিব পাৰিব।