খাটাই নুখুলিল! উত্তৰ প্ৰদেশত ক্লীনব’ল্ড আছাদুদ্দিন ওৱেইছি

ডিজিটেল ডেস্কঃ হায়দৰাবাদস্থিত মুছলমানমুখী ৰাজনৈতিক দল অল ইণ্ডিয়া মজলিস-ই-ইত্তেহাদুল মুছলিমিনে উত্তৰ প্ৰদেশৰ বিধানসভা নিৰ্বাচনত প্ৰতিদ্বন্দ্বিতা কৰা ১০০খন আসনৰ ভিতৰত এখনতো জয়লাভ নকৰিলে। যদিও ২০১৭ৰ তুলনাত দলটোৱে কিছুসংখ্যক বেছি ভোটলাভ কৰিবলৈ সক্ষম হৈছে, আছাদুদ্দিন ওৱেইছিৰ নেতৃত্বত দলটোৱে বিশেষকৈ মুছলমান সংখ্যা গৰিষ্ঠ অঞ্চলত শোচনীয়ভাৱে ব্যৰ্থ হৈছে, আৰু ৰাজ্যখনত এখনো আসন লাভ কৰিবলৈ সক্ষম নহ’ল। এইটো লক্ষ্যণীয় যে, এআইএমআইএমে ইয়াৰ বেছিভাগ প্ৰাৰ্থীক মুছলমান জনসংখ্যা আৰু ভোটাৰৰ সংখ্যা বেছি থকা সমষ্টিত প্ৰাৰ্থিত্ব প্ৰদান কৰিছিল। একেদৰে, ২০২২ৰ বিধানসভা নিৰ্বাচনত প্ৰতিদ্বন্দ্বিতা কৰা এআইএমআইএম প্ৰাৰ্থীসকলে বিধানসভাৰ এখন আসনো লাভ কৰিবলৈ সক্ষম নহ’ল। ইফালে দলটোৰ মুখপাত্ৰ ৱাৰিছ পাঠানে কয় যে উত্তৰ প্ৰদেশত দলটোৱে পূৰ্বৰ তুলনাত ভোটৰ সংখ্যা বৃদ্ধি পাইছে। ইচিআইৰ অফিচিয়েল ৱেবছাইটৰ শেহতীয়া আপডেট অনুসৰি তেওঁ মুঠ ভোটৰ ২৪%তকৈ অধিক ভোটলাভ কৰিছে। উল্লেখ্য যে, মুছলমান অধ্যুষিত মুখ্য সমষ্টিসমূহৰ ভিতৰত দেওবন্দ আছিল আটাইতকৈ গুৰুত্বপূৰ্ণ বিধানসভা সমষ্টি। দেওবন্দত দাৰুল উলুম দেওবন্দ আছে যি হৈছে চুন্নী ইছলামিক ধৰ্মৰ দেওবন্দী সম্প্ৰদায়ৰ ইছলামিক চেমিনেৰী। এআইএমআইএমে মৌলানা উমাইৰ মাদানীক সেই সমষ্টিৰপৰা টিকট প্ৰদান কৰা হৈছিল যি ইছলামিক বৃহৎ বিদ্যালয় থকা সমষ্টিৰ পৰা মাত্ৰ ৩৫০১টা ভোটলাভ কৰিবলৈ সক্ষম হৈছিল। কিন্তু লক্ষ্যণীয় কথাটো হ’ল দেওবন্দ চেমিনাৰীৰ পৰাই বিজেপি প্ৰাৰ্থী ব্ৰজেশ সিঙে দেওবন্দৰ পৰা জয়ী হৈছে।