‘অখিলেশক হৰুৱা হৈছে, ই ভি এমৰ ফৰেনচিক পৰীক্ষা কৰিলে ফাদিল হ’ব সকলো ৰহস্য! কোনে কৰিলে এই মন্তব্য?

ডিজিটেল ডেস্কঃ উত্তৰ প্ৰদেশত সমাজবাদী দল পৰাজিত হোৱাৰ পাছত শুকুৰবাৰে সাংবাদিকৰ সৈতে হোৱা বাৰ্তালাপত মুখ্যমন্ত্ৰী মমতা বেনাৰ্জীয়ে শাসকীয় বিজেপিক তীব্ৰ কটাক্ষ কৰে। উত্তৰ প্ৰদেশত ই ভি এম সম্পৰ্কে কেইবাটাও অভিযোগ আনিছে মমতা বেনাৰ্জীয়ে। মুখ্যমন্ত্ৰীগৰাকীয়ে ই ভি এমৰ ফৰেনচিক পৰীক্ষাৰ দাবী জনাইছে। উল্লেখ্য যে, মমতা বেনাৰ্জীয়ে নিজেই উত্তৰ প্ৰদেশত অখিলেশক যাদৱৰ হৈ প্ৰচাৰ চলাইছিল। সেই সময়ত মমতাই যোগী আদিত্য নাথৰ বিৰুদ্ধে আক্ৰমণাত্মক হৈ পৰিছিল। এফালে, যেতিয়া বিজেপিৰ বিজয়ত উৎফুলিত হৈ পৰে সময়তে মমতা বেনাৰ্জীয়ে ই ভি এমৰ বিশ্বাস যোগ্যতাৰ ওপৰত প্ৰশ্ন উত্থাপন কৰে। বেনাৰ্জীয়ে কয় যে, ‘২০১৭ চনৰ তুলনাত অখিলেশ যাদৱৰ দলৰ আসনৰ সংখ্যা বৃদ্ধি পাইছে যদিও উত্তৰ প্ৰদেশত ই ভি এমক লৈ পূৰ্বৰে পৰা অভিযোগ উত্থাপন হৈছে।’ অখিলেশ যাদৱক লৈ উত্তৰ প্ৰদেশত ভোট বিভাজন কৰা হৈছে, মমতা বেনাৰ্জীয়ে দাবী কৰে। তেওঁ লগতে কয় যে, ‘ই ভি এমৰ ফৰেনচিক পৰীক্ষা কৰা উচিত।’ ‘উত্তৰ প্ৰদেশত এতিয়ালৈকে কোনো ইভিএমৰ নিৰাপত্তা ব্যৱস্থা কৰা হোৱা নাই। একে সময়তে, মমতা বেনাৰ্জীয়ে বিজেপিৰ বিকল্প হিচাপে কংগ্ৰেছৰ নিৰ্ভৰযোগ্যতাৰ ওপৰত প্ৰশ্ন উত্থাপন কৰে। তেওঁ লগতে কয় যে, ‘কংগ্ৰেছৰ ওপৰতো জনসাধাৰণে নিৰ্ভৰ কৰিব নালাগে। সকলো আঞ্চলিক দলে একেলগে কাম কৰিব লাগিব, তেতিয়াহে দেশৰ প্ৰগতি হ’ব।’