ডিজিটেল ডেস্কঃ প্ৰাকৃতিকভাবে পোৱা জেতুকা অথবা হেনাৰ ৰং উজ্জ্বল কৰিবলৈ বিভিন্ন সামগ্ৰী মিহলি কৰিব পাৰি। হেনা লগালে চুলি সৰাৰ সমস্যা ভালখিনি কমি যায়। চুলিত হোৱা উফিৰ সমস্যা দূৰ কৰিবলৈও হেনা ব্যৱহাৰ কৰিব পাৰি। হেনাৰ গুণাগুণ বৃদ্ধি কৰিবলৈ আৰু ৰং উজ্জ্বল কৰিবলৈ এনেবোৰ বস্তু মিহলাব পাৰি।
১) নেমুৰ ৰসঃ যদি আপুনি চুলিত উফিৰ সমস্যাত অসুবিধা পাইছে, তেন্তে হেনা মিহলাই নেমুৰ ৰস লগাব পাৰে। নেমুত ভিটামিন চি আৰু এণ্টিবেক্টেৰিয়েল গুণ থাকে যিয়ে মূৰৰ ছালৰ মলি পৰিষ্কাৰ কৰাৰ কাম কৰে। ইয়াৰ বাবে এটা বাটিত ৫ চামুচ হেনা পাউদাৰ লওক। তাত এচামুচ নেমুৰ ৰস দিব,এতিয়া তাত পানী দি পেষ্ট বনাওক।এতিয়া এই পেষ্টটো চুলিত লগাওক। আৰু ২০ মিনিটৰ পিছত সাধাৰণ পানীৰে চুলি ধুব। ইয়াৰ দ্বাৰা উফিৰ সমস্যাৰ পৰা মুক্তি পাব পাৰি।
২) কণীঃ চুলিৰ উফি আঁতৰাবলৈ হেনা মিহলাই কণী লগাব পাৰে। ইয়াৰ বাবে এটা বাটিত কণী এটা ঘূলি লওক। এতিয়া ইয়াত ৫ চামুচ হেনা দি এই পেষ্টটো ভালদৰে চুলিত লগাওক।এতিয়া আধা ঘণ্টাৰ পিছত মৃদু চেম্পুৰে চুলি ধুব।এই কাম কৰিলে চুলি সৰা বন্ধ হৈ যাব আৰু চুলি জিলিকি উঠিব।
৩) দৈঃ চুলিৰ বাবে দৈ অতি উপকাৰী। কাৰণ ইয়াৰ উফি প্ৰতিৰোধী গুণ আছে যিয়ে মূৰৰ ছালৰ পৰা মলি আঁতৰোৱাৰ কাম কৰে। আনহাতে হেনা মিহলাই দৈ লগালে চুলি চিকচিকিয়া আৰু মজবুত হ’ব।হেনা আজিকালি বজাৰত কিনিবলৈ পোৱা যায়। ৰাজস্থানী হেনা অতি উপকাৰী। হেনা পাউদাৰ নিশাটো পানীত তিয়াই থলে ৰং বেছিকৈ উঠে।
Continue Reading
