ডিজিটেল ডেস্কঃ কলেষ্টেৰল হৈছে শৰীৰৰ সকলো কোষৰ দ্বাৰা উৎপন্ন হোৱা এক প্ৰকাৰ মম সদৃশ পদাৰ্থ। শৰীৰৰ বাবে ই অতি প্ৰয়োজনীয় যদিও ইয়াৰ পৰিমাণ বেছি হ’লে হৃদৰোগ, ওজন বৃদ্ধি, হাৰ্ট এটেক, ষ্ট্ৰোক আদি সমস্যাৰ সৃষ্টি কৰে। কলেষ্টেৰল দুবিধ- এল ডি এল কলেষ্টেৰল আৰু এইচ ডি এল কলেষ্টেৰল। এল ডি এল কলেষ্টেৰল (বেয়া কলেষ্টেৰল) য়ে শৰীৰত লাগি থকা মমৰ পৰিমাণ বৃদ্ধি কৰে, আনহাতে এইচ ডি এল কলেষ্টেৰল (ভাল কলেষ্টেৰল) য়ে লাগি থকা মমৰ পৰিমাণ হ্ৰাস কৰাত সহায় কৰে।
সেয়ে এল ডি এল কলেষ্টেৰলৰ অধিক মাত্ৰা পৰিহাৰ কৰি কম পৰিমাণৰ এইচ ডি এল কলেষ্টেৰল বৃদ্ধি কৰিব লাগে। আজি আমি আপোনালোকক ৫ টা শুকান ফলৰ বিষয়ে তথ্য দিম, যিবোৰ তিয়াই খালে বেয়া কলেষ্টেৰলৰ মাত্ৰা হ্ৰাস পায়।
১) আখৰোটঃ আখৰোটত ওমেগা-৩ ফেটি এচিড, প্ৰটিন, ফাইবাৰ আৰু মেগনেছিয়াম থাকে। আখৰোটে শৰীৰত ছুগাৰৰ মাত্ৰা হ্ৰাস কৰাত সহায় কৰে আৰু কলেষ্টেৰলৰ সমস্যা নোহোৱা কৰে।
২) আলমণ্ডঃ আলমণ্ডত ভিটামিন ই, মেগনেছিয়াম, আঁহ আৰু প্ৰটিন থাকে। আলমণ্ডত থকা আলফা-লিনোলেনিক এচিড হৈছে এক প্ৰকাৰৰ ওমেগা-৩ ফেটি এচিড, যিয়ে কলেষ্টেৰল হ্ৰাস কৰাত সহায় কৰে।
৩) কিচমিচঃ কিচমিচত প্ৰাকৃতিক ছুগাৰ থাকে যিয়ে বেয়া কলেষ্টেৰল নিয়ন্ত্ৰণ কৰাত সহায় কৰে। ইয়াৰ উপৰিও কিচমিচত ভিটামিন চি, কেলচিয়াম আৰু আঁহ আদিও থাকে।
৪) কাজুঃ কাজুত আঁহ, মেগনেছিয়াম আৰু প্ৰটিন থাকে। কাজুত থকা বহুতো গুণৰ বাবে ই কলেষ্টেৰল হ্ৰাস কৰাত সহায় কৰে।
৫) খেজুৰঃ খেজুৰত প্ৰচুৰ পৰিমাণে ভিটামিন, ফাইবাৰ, এমিনো এচিড, ফছফৰাছ, পটাছিয়াম আৰু মেগনেছিয়াম থাকে, যিয়ে বেয়া কলেষ্টেৰলৰ মাত্ৰা নিয়ন্ত্ৰণ কৰাত সহায় কৰে।
Continue Reading
