আমি সকলোৱে খাদ্যৰ ভাল সোৱাদ বিচাৰোঁ, যাৰ দায়িত্ব আমাৰ জিভাৰ ওপৰত নিহিত হৈ থাকে কিন্তু কেতিয়াবা আমি জিভাত সোৱাদ অনুভৱ নকৰো। বহুদিনলৈকে জিভাত সোৱাদ নাপালে আওকাণ কৰিব নালাগে

Listen to Article

2 min read

80%

ডিজিটেল ডেস্কঃ আমি সকলোৱে খাদ্যৰ ভাল সোৱাদ বিচাৰোঁ, যাৰ দায়িত্ব আমাৰ জিভাৰ ওপৰত নিহিত হৈ থাকে কিন্তু কেতিয়াবা আমি জিভাত সোৱাদ অনুভৱ নকৰো। বহুদিনলৈকে জিভাত সোৱাদ নাপালে আওকাণ কৰিব নালাগে। আওকাণ কৰাটো বিপজ্জনক কাৰণ জিভা নিস্তেজ বহু গুৰুতৰ ৰোগৰ লক্ষণ। আচলতে আমি অসুস্থ হ’লে আমাৰ জিভাৰ সোৱাদ আৰু ৰঙো সলনি হয়, যাৰ বাবে চিকিৎসাৰ সময়ত চিকিৎসকে প্ৰায়ে আমাৰ জিভাখন চায়।

কেতিয়া জিভাৰ সোৱাদ সলনি হয়

১/ ফ্লু- কোনোবা যেতিয়া ফ্লুত আক্ৰান্ত হয় তেতিয়া জিভাৰ সোৱাদ হেৰুৱাব পাৰে। এইটো এটা সাধাৰণ শাৰীৰিক সমস্যা যদিও কিছুমান ক্ষেত্ৰত ই কোনো ৰোগৰ লক্ষণো হ’ব পাৰে।

২/ ডায়েবেটিছ- ডায়েবেটিছ ৰোগী প্ৰায়ে জিভাৰ সোৱাদৰ পৰিৱৰ্তনৰ সন্মুখীন হয়। তেওঁলোকৰ তেজৰ ছুগাৰৰ অৱস্থা জানিবলৈ এইটো গুৰুত্বপূৰ্ণ হ’ব পাৰে।

৩/ দাঁতৰ সমস্যা- দাঁতৰ সমস্যাই জিভাৰ সোৱাদতো প্ৰভাৱ পেলাব পাৰে। জিঞ্জিভাইটিছ, গহ্বৰ, বা মুখ পৰিষ্কাৰ নকৰাৰ বাবে এনে সমস্যাৰ সৃষ্টি হোৱাটো অতি সাধাৰণ কথা।

৪/ স্নায়ুজনিত সমস্যা- বহুতো স্নায়ুজনিত ৰোগ, যেনে- পাৰ্কিনছন ৰোগ, এলঝেইমাৰ, বা মাল্টিপল স্ক্লেৰোচিছৰ ফলত জিভাৰ সোৱাদ সলনি হ’ব পাৰে।

৫/ কাহ আৰু চৰ্দি- কাহ আৰু চৰ্দিৰ সময়ত জিভাৰ সোৱাদ কমি যাব পাৰে, নাক বন্ধ হোৱাৰ বাবে এনে হয়, আচলতে আমাৰ সোৱাদ নিৰ্ণয়ৰ বাবেও নাকেই দায়বদ্ধ।

৬/ ক'ভিড-১৯- সমগ্ৰ বিশ্বতে কৰ’না ভাইৰাছৰ সংক্ৰমণে বিধ্বংসী ৰূপ ধাৰণ কৰিছিল, এই সময়ছোৱাত বহু লোকে জিভাত সোৱাদ হেৰুৱাই পেলোৱা অনুভৱ কৰিছিল। এয়া Covid-19 ৰ অন্যতম গুৰুত্বপূৰ্ণ লক্ষণ।