ডিজিটেল ডেস্কঃ বলীউডত কিয়াৰা আদৱানী আৰু সিদ্ধাৰ্থ মালহোত্ৰাৰ বিবাহক লৈ চৰ্চা চলি থকাৰ সময়তে আন এগৰাকী অভিনেত্ৰীৰ বিয়াক লৈও চলিছে তীব্ৰতৰ চৰ্চা। খবৰ অনুসৰি, ‘কই মিল গয়া’ ছবিখনত এগৰাকী সৰু ছোৱালীৰ চৰিত্ৰত অভিনয় কৰা অভিনেত্ৰী হংসিকা মটৱানী শীঘ্ৰেই বিবাহপাশত আবদ্ধ হ’ব। হংসিকাৰ বিয়াৰ বাবে ৰাজস্থান জয়পুৰৰ এটা ৪৫০ বছৰ পুৰণি ৰাজকীয় মহল বুক কৰা হৈছে। ছ’চিয়েল মিডিয়াত ক্ৰমাৎ ভাইৰেল হৈ পৰিছে অভিনেত্ৰীগৰাকীৰ বিবাহৰ খবৰ।
চলিত বৰ্ষৰ ডিচেম্বৰত হংসিকা মটৱানী বিবাহপাশত আবদ্ধ হ’ব। এই বিয়াৰ বাবে ইতিমধ্যে প্ৰস্তুতি আৰম্ভ হৈছে। হংসিকাই যাৰ লগত বিয়া হ’বলৈ গৈ আছে তেওঁৰ নাম এতিয়ালৈকে প্ৰকাশ হোৱা নাই। অৰ্থাৎ হংসিকাৰ দৰা কোন সেয়া জানিব পৰা হোৱা নাই। হংসিকাৰ দৰাৰ পিতৃ ৰাজনীতিৰ সৈতে জড়িত আৰু দৰা পেছাত এজন ব্যৱসায়ী বুলি জানিব পৰা গৈছে।
বলীউডত বৰ বিশেষ যাদু দেখুৱাব নোৱাৰিলে হংসিকাই। শৈশৱত বহু টিভি ছিৰিয়েলত কাম কৰিছে হংসিকা মটৱানীয়ে। যাৰ ভিতৰত আছে ‘ছাকা লাকা বুম-বুম’, ‘কিউকি ছাচ ভি কভি বহু থী’ আৰু ‘ছ’নপৰী’। একে সময়তে হৃতিক ৰোশনৰ ছবি ‘কই মিল গয়া’ত তেওঁ এগৰাকী স্কুলীয়া ছোৱালীৰ চৰিত্ৰত অভিনয় কৰি সকলোৰে হৃদয় জয় কৰিছিল হংসিকাই। হংসিকাই তেলেগু আৰু তামিল ছবিতো বহু কাম কৰিছে।
Continue Reading
