ডিজিটেল ডেস্কঃ বিশ্বকাপ জয় নোপোৱাৰ পিছতো বাবৰ আজম, ৰিজৱানহঁত খালী হাতে ঘৰলৈ উভতি অহা নাই। লীগ পৰ্যায়ত ৯খন খেলৰ ভিতৰত পাঁচখন খেলত জয়ী নোহোৱাৰ বাবে বাবাৰে ছেমি ফাইনেল খেলিব পৰা নাই। শনিবাৰে ইংলেণ্ডৰ হাতত পৰাস্ত হৈ দেওবাৰে ঘৰলৈ উভতি যায়। অৱশ্যে তেওঁ লগত লৈ গৈছে বিপুল পৰিমাণৰ পুৰস্কাৰৰ ধন।
অন্তিম চাৰিটাত স্থান নাপালেও এই পুৰস্কাৰৰ বাবে আন্তঃৰাষ্ট্ৰীয় ক্ৰিকেট পৰিষদৰ পৰা ২ লাখ ৬০ হাজাৰ ডলাৰ লাভ কৰিছে। পাকিস্তানৰ মুদ্ৰাত, যাৰ পৰিমাণ ৭ কোটি ৩৩ লাখ টকাতকৈও অধিক। ভাৰতীয় মূল্যত ২ কোটি ১৪ লাখ টকাতকৈ অধিক।
লীগৰ প্ৰতিখন জয়ী মেচত পাকিস্তানে ৪০ হাজাৰ ডলাৰ (প্ৰায় ৩৩ লাখ ৩৪ হাজাৰ টকা) লাভ কৰিছে। চাৰিখন মেচত জয়ী হোৱাৰ বাবে ১ লাখ ৬০ হাজাৰ টকা (প্ৰায় ১ কোটি ৩৩ লাখ টকা) লাভ কৰিছে। ইয়াৰ বাহিৰেও ছেমি ফাইনেলত প্ৰৱেশ কৰিব নোৱাৰা দলক ১ লাখ ডলাৰ (প্ৰায় ৮৩ লাখ ৩৫ হাজাৰ টকা) প্ৰদান কৰিছে আই চি চিয়ে।
বাবৰঁহতে বিশ্বকাপ খেলিবলৈ অহাৰ আগতে পাঁচ মাহ ধৰি দৰমহা পোৱা নাছিল। পাকিস্তান ক্ৰিকেট ব’ৰ্ডৰ সৈতে হোৱা কেন্দ্ৰীয় চুক্তি অনুসৰি প্ৰতিমাহে ক্ৰিকেটাৰসকলে নিৰ্দিষ্ট পৰিমাণৰ ধন পোৱাৰ কথা। কিন্তু পিচিবিৰ প্ৰশাসনিক জটিলতাৰ বাবে ক্ৰিকেটাৰসকলৰ দৰমহা বন্ধ হৈ পৰে। গতিকে তেওঁলোকে বিশ্বকাপ জয় নকৰিলেও বাবৰে আৰ্থিকভাৱে লাভৱান হ’ব পাৰে।
Continue Reading
