কৰ্কট ৰোগৰ চিকিৎসাৰ পৰ্যাপ্ত সুবিধা নাপালে আদালতত কৰিব পাৰিব আবেদন!

ডিজিটেল ডেস্ক : কৰ্কট ৰোগৰ চিকিৎসাৰ পৰ্যাপ্ত সুবিধা নাপালে ৰোগীয়ে আদালতত কৰিব পাৰিব আৱেদন৷ কৰ্কট ৰোগৰ চিকিৎসাৰ বাবে উন্নত সুবিধাৰ প্ৰয়োজন৷ মেঘালয়ৰ উচ্চ ন্যায়ালয়ত জাৰী কৰা এক নিৰ্দেশনাই সকাহ দিছে হাজাৰজন কৰ্কট ৰোগত পীড়িত ব্যক্তিক৷ মেঘালয় উচ্চ ন্যায়ালয়ৰ এটা খণ্ড বিচাৰপীঠে লক্ষ্য কৰিছিল যে কৰ্কট ৰোগীসকলৰ চিকিৎসাৰ বাবে উন্নত সুবিধা প্ৰদান কৰিবলৈ ৰাজ্য চৰকাৰ যথেষ্ট তৎপৰ হ'ব লাগিব। মুখ্য ন্যায়াধীশ সঞ্জীব বেনাৰ্জী আৰু ন্যায়াধীশ ডব্লিউ ডিয়েংডোৰ বিচাৰপীঠে লুৰশাফ্ৰাং শ্বংৱান নামৰ এজন অধিবক্তাৰ দ্বাৰা দাখিল কৰা এখন পিআইএলৰ ওপৰত এই পৰ্যৱেক্ষণ কৰিছিল। ন্যায়ালয়ে কয় যে স্বাস্থ্য আৰু পৰিয়াল কল্যাণ বিভাগৰ সচিবৰ দ্বাৰা এখন শপতনামা দাখিল কৰা হৈছিল, য'ত কৰ্কট ৰোগীসকলৰ বাবে উপলব্ধ সুবিধা আৰু বিচনাৰ সংখ্যা উন্নত কৰা আৰু শ্বিলং চৰকাৰী চিকিৎসালয়ত কৰ্কট ৰোগীসকলৰ চিকিৎসাৰ ব্যৱস্থা বৃদ্ধি কৰাৰ বাবে ৰাজ্য চৰকাৰৰ প্ৰচেষ্টা আদিৰ বিষয়ে উল্লেখ কৰা হৈছিল। আৱেদনকাৰীয়ে কেইবাটাও পৰামৰ্শ দিছিল বুলি লক্ষ্য কৰি আদালতে কয় যে যদি কাৰ্যকৰী কৰা হয়, তেন্তে তেওঁলোকে বৃহৎ পৰিমাণৰ ধন ব্যয় কৰিব লাগিব ৷ 'কৰ্কট ৰোগীসকলৰ বাবে চিকিৎসাৰ সুবিধা সিমিত৷ যাৰ বাবে এটা বৰ্ষত কৰ্কট ৰোগত ভূগী হাজাৰজনৰ মৃত্যু হয়৷ ইয়াৰ ওপৰত লক্ষ্য ৰাখি প্ৰয়োজনীয় চিকিৎসাৰ সুবিধাৰ প্ৰস্তাৱ দিয়া হৈছে' বুলি বিচাৰপীঠে ইয়াৰ আদেশত কৈছিল৷ আবেদনকাৰীৰ মতে, চৰকাৰে তেওঁৰ পৰামৰ্শ গ্ৰহণ কৰা উচিত। তেওঁ আদালতক ৰাজ্যখনত কৰ্কট ৰোগৰ চিকিৎসা বৃদ্ধিৰ বাবে পাৰমাণৱিক শক্তি বিভাগে অনুমোদন জনোৱা ২৬.১৬ কোটি টকাৰ ভিতৰত ৰাজ্য চৰকাৰে লাভ কৰা ১৯.৮৪ কোটি টকা ব্যৱহাৰ কৰিবলৈ কৰ্তৃপক্ষক নিৰ্দেশ দিবলৈ আহ্বান জনাইছিল। ন্যায়ালয়ে কৈছিল যিহেতু চৰকাৰে গ্ৰহণ কৰিব লগা প্ৰতিটো পদক্ষেপত ব্যয় অন্তৰ্ভুক্ত থাকে আৰু কেন্দ্ৰৰ পৰা প্ৰাপ্ত পুঁজি আৰু সম্পদৰ উপলব্ধতাৰ ওপৰত নিৰ্ভৰ কৰে, এনে পৰিস্থিতিত যি কৰিব পাৰে সেয়া হ'ল যিমান সম্ভৱ সোনকালে সঠিক ব্যৱস্থা গ্ৰহণ কৰা উচিত৷ যাৰফলত এই ৰোগত পীড়িত লোকসকলৰ প্ৰয়োজনীয়তাৰ সৈতে মোকাবিলা কৰিবলৈ সক্ষম হ'ব৷ পিআইএলখন নিষ্পত্তি কৰোঁতে, আদালতে চৰকাৰক শপতনামাত উল্লেখ কৰা পৰিকল্পনাবোৰ কাৰ্যকৰী কৰিবলৈ আৰু ব্যয়ৰ সীমাবদ্ধতা সাপেক্ষে আবেদনকাৰীৰ পৰামৰ্শবোৰ বিবেচনা কৰিবলৈ অনুৰোধ জনাইছিল। আদালতৰ মতে, জুন, ২০২৩-ৰ ভিতৰত উপলব্ধ সুবিধাবোৰ কৰ্কট ৰোগীৰ সৈতে মোকাবিলা কৰিবলৈ পৰ্যাপ্ত নহয়, তেন্তে আবেদনকাৰীৰ নতুন আপীল দাখিল কৰাৰ স্বাধীনতা থাকিব।