কৰ্কট ৰোগত আক্ৰান্ত হোৱাৰ বাবেই তিনি মহলাৰ পৰা জঁপিয়াই আত্মহত্যা মহিলাৰ! মৃত্যুৰ আগত তেওঁ কয়, 'ক'ভ

ডিজিটেল ডেস্ক : ক'ভিডৰ ভয়াৱহতাৰ বিষয়ে বিশ্ববাসী অৱগত। কিন্তু ক'ডিভতকৈ ভয়াৱহতাৰ আছে এবিধ ৰোগ। সেইবিধ হৈছে কৰ্কট ৰোগ। স্বাস্থ্য বিজ্ঞানৰ অভূতপূৰ্ব পৰিৱৰ্তন ঘটিছে যদিও এতিয়াও কৰ্কট ৰোগৰ সঠিক চিকিৎসাত ব্যৰ্থ হৈছে। এনে এক দুৰ্ভাগ্যজনক ঘটনাৰ সাক্ষী হৈ ৰৈছে সমগ্ৰ বিশ্ব। কৰ্কট ৰোগত আক্ৰান্ত হৈ এগৰাকী ৩০ বছৰীয়া মহিলাই চিকিৎসালয়ৰ তৃতীয় মহলাৰ পৰা জঁপিয়াই আত্মহত্যা কৰে। জানিব পৰা মতে, মহিলাগৰাকীৰ দেহত পুনৰবাৰ ধৰা পৰিছিল কৰ্কট ৰোগ। তাৰ পাছত তেওঁক বোদাকদেৱৰ কৰ্কট ৰোগ চিকিৎসালয়ত ভৰ্তি কৰোৱা হৈছিল। প্ৰাৰম্ভিক অনুসন্ধানত প্ৰকাশ পাইছিল যে মহিলাগৰাকীৰ কৰ্কট ৰোগ পুনৰ ধৰা পৰিছিল আৰু যাৰ বাবে তেওঁ এই বিষয়ে জানি হতাশাগ্ৰস্ত হৈ পৰিছিল। মহিলাগৰাকী হৈছে গল্টেশ্বৰৰ বাসিন্দা ৩০ বছৰীয়া নিশা পেটেল। নিশাৰ আত্মীয়সকলে কৈছিল যে তেওঁ খোজ কাঢ়িবলৈ গৈ আছিল আৰু তাৰ পাছত ভৱনটোৰ তৃতীয় মহলাৰ পৰা জঁপিয়াই পৰিছিল। পুনৰবাৰ কৰ্কট ৰোগত আক্ৰান্ত হোৱাৰ কথা গম পায় বহু হতাশাত ভুগিছিল নিশা। আত্মীয়সকলে লগতে এইবুলিও কৈছিল যে নিশাই কৰ্কট ৰোগ ক'ভিডতকৈও ভয়াৱহ বুলি উল্লেখ কৰিছিল। উল্লেখ্য যে, পেটেলে ২০২০ চনৰ ফেব্ৰুৱাৰীত দক্ষেশৰ সৈতে বিবাহপাশত আৱদ্ধ হৈছিল আৰু প্ৰায় এবছৰ আগতে নিশাৰ বাওঁ উৰুত এটা মাৰাত্মক টিউমাৰৰ বাবে অস্ত্ৰোপচাৰ কৰা হৈছিল। আনহাতে, টিউমাৰটো পুনৰ হৈ উঠিছিল আৰু নিশাৰ চিকিৎসাৰ বাবে বোদাকদেৱৰ আহমেদাবাদ কৰ্কট চিকিৎসালয়ত ভৰ্তি কৰোৱা হৈছিল। নিশাৰ স্বামী আৰু আন আত্মীয়সকলে তেওঁৰ সৈতে চিকিৎসালয়লৈ গৈছিল।