ডিজিটেল ডেস্ক : হাই ভ’ল্টেজ ড্ৰামা। পাকিস্তানৰ ইতিহাসৰ প্ৰথমজন প্ৰধানমন্ত্ৰী হিচাপে আস্থাৰ ভোটৰ জৰিয়তে ক্ষমতাৰ পৰা অপসাৰিত কৰা হ’ল ইমৰাণ খানক। দীৰ্ঘদিনে চলি থকা জল্পনা-কল্পনা আৰু নাটকীয়তাৰ পাছত এখন হাইভ’ল্টেজ টি-২০ খেলৰ ছুপাৰ অভাৰসদৃশ পৰিস্থিতিৰ সৃষ্টি হ’ল পাকিস্তানৰ নেচনেল এচেম্বলীত। মাজনিশা উচ্চতম ন্যায়ালয় পালেগৈ আস্থাৰ ভোটৰ প্ৰসংগ। আস্থাৰ ভোটক বাধা দিবলৈ খান চৰকাৰে কৰা সকলো চেষ্টা ব্যৰ্থ হ’ল আৰু নিশা প্ৰায় ১২.৩০বজাত অনুষ্ঠিত আস্থাৰ ভোটত ইমৰাণ খানক ক্ষমতাৰ পৰা অপসাৰিত কৰা হ’ল।
ইয়াৰ আগেয়ে কোনো এগৰাকী পাক প্ৰধানমন্ত্ৰীয়ে তেওঁলোকৰ সম্পূৰ্ণ কাৰ্যকাল দায়িত্ব পালন কৰিব পৰা নাই যদিও আস্থাৰ ভোটৰ জৰিয়তে অপসাৰিত হোৱা ইমৰাণ খানেই প্ৰথমজন প্ৰধানমন্ত্ৰী। ইমৰাণ খানৰ এই পৰিণতিৰ পাছত এতিয়া তেওঁ ভৱিষ্যতক লৈও সংশয়ৰ সৃষ্টি হৈছে। তেওঁ গ্ৰেপ্তাৰ হ’ব পাৰে বুলিও চৰ্চা চলিছে।
আনহাতে তেওঁক দেশ এৰাৰ পৰা বাৰণ কৰা হৈছে। উল্লেখ্য যে, ইমৰাণ খানৰ বিপক্ষে সংসদত ১৭৪গৰাকী সাংসদে ভোটদান কৰিছিল। আৰু তাৰ পাছতে ইমৰাণ খানৰ বিদায় অৱধাৰিত হৈ পৰে। এতিয়া পাকিস্তান চৰকাৰৰ মুৰব্বী হিচাপে দায়িত্ব গ্ৰহণ কৰিবলৈ সাজু হৈছে শ্বেহবাজ খান। বিৰোধী নেতা আৰু পাকিস্তান মুছলিম লীগ-নাৱাজৰ (পিএমএল-এন) নেতা শ্বেহবাজ শ্বৰীফক প্ৰধানমন্ত্ৰীৰ দায়িত্ব দিবলৈ দেওবাৰে ২ বজাত সংসদৰ বিশেষ অধিৱেশন অনুষ্ঠিত হ’ব বুলি জানিব পৰা গৈছে।
Continue Reading
