কলকাতা কাণ্ডৰ প্ৰতিক্ৰিয়া! শিল্পীয়ে ঘূৰাই দিছে চৰকাৰী বঁটা

কলকাতাৰ এগৰাকী নাট্যকাৰে চৰকাক ঘুৰাই দিছে ৰাজ্যখনৰ নাট্যক্ষেত্ৰৰ সৰ্বোচ্চ সন্মান ‘দীনবন্ধু মিত্ৰ বঁটা’৷ চন্দন সেন নামৰ এগৰাকী নাট্যকাৰে কলকাতৰ ৰাজ্যিক নাট্যক্ষেত্ৰৰ সৰ্বোচ্চ সন্মান ‘দীনবন্ধু মিত্ৰ বঁটা’ ঘূৰাই দিছে চৰকাৰক৷ প্ৰাপ্ত তথ্য অনুসৰি ২০১৭ চনত ৰাজ্যিক নাট্যক্ষেত্ৰৰ সৰ্বোচ্চ সন্মান ‘দীনবন্ধু মিত্ৰ বঁটা’ৰে সন্মানিত কৰা হৈছিল নাট্যকাৰ চন্দন সেনক। কলকাতা কাণ্ডৰ বিৰুদ্ধে প্ৰতিবাদ কৰি নাট্যকাৰ চন্দন সেনে বঁটা ঘূৰাই দিছে।

প্ৰসংগক্ৰমে, প্ৰতিবাদকাৰীসকলক বঁটা ঘূৰাই দিবলৈ আহ্বান জনাইছে তৃণমূলৰ বিধায়ক কাঞ্চন মলিকে ।উল্লেখোগ্য যে তৃণমূলৰ বিধায়ক কাঞ্চন মল্লিকো এজন অভিনেতা। এই মন্তব্যৰ পাছত তীব্ৰ সমালোচনাৰ সন্মুখীন হৈছে বিধায়কগৰাকী। সমালোচনাৰ সন্মুখীন হৈ ক্ষমা বিচাৰে তৃণমূলৰ বিধায়ক কাঞ্চন মল্লিকে। অৱশ্যে কাঞ্চন মল্লিকে মন্তব্য কৰাৰ আগতে নাট্যকাৰ চন্দন সেনে নিজৰ বঁটা ঘূৰাই দিয়াৰ কথা ঘোষণা কৰিছিল বুলি সদৰি কৰিছে। ইতিমধ্যে নাট্যকাৰগৰাকীয়ে ৰাজ্যৰ তথ্য আৰু সংস্কৃতি বিভাগৰ সম্পাদকলৈ ই-মেইল প্ৰেৰণ কৰা বুলি সদৰি কৰিছে।

এই প্ৰসংগতে বিধায়ক কাঞ্চন মল্লিকৰ বক্তব্যক কটাক্ষ কৰি অভিনেতা বাদশা মৈত্ৰাই কয়, ‘এই প্ৰতিবাদ আৰু অধিক তীব্ৰতৰ হ’ব। এই মন্তব্য  বিধায়ক কাঞ্চন মল্লিকৰ ব্যক্তিগত মতামত বুলি মই নাভাবো। তেওঁ যিটো দলৰ প্ৰতিনিধি সেই দলটোৱে এই পৰ্যন্ত কিবা পদক্ষেপ লৈছেনে বুলি প্ৰশ্ন উত্থাপন কৰি কয়  শিল্পীসকলৰ মনত হয়তো ভাব হ’ব পাৰে যে যিসকলক বঁটা দিয়া হৈছে তেওঁলোকৰ প্ৰতি চৰকাৰে এনে মনোভাৱ পোষণ কৰিছে।কাঞ্চন মলিকৰ বক্তব্যটো তেনে মনোভাৱ প্ৰতিফলিত হৈছে বুলি সমালোচনা কৰে।’ আৰ জি কৰ কাণ্ডৰ বিৰুদ্ধে প্ৰতিবাদ সাব্যস্ত কৰিছে কাৰ্টুনিষ্টসকলেও। ৰাজ্য চৰকাৰে আয়োজন কৰা চাৰু কলা মেলাত অংশ লোৱাৰ পৰা বিৰত আছে কাৰ্টুনিষ্টৰ দল। সম্প্ৰতি সমাজৰ প্ৰতিটো স্তৰতে এনেদৰে মহিলা নিৰ্যাতনৰ বিৰুদ্ধে সৰৱ হৈ উঠা পৰিলক্ষিত হৈছে যতে দ্বিতীয়টো এনে ঘটনা পৰিলক্ষিত নহয়৷