পুনৰ উন্মোচিত হ’ল পাকিস্তানৰ ষড়যন্ত্ৰ। কলকাতা আৰক্ষীয়ে শেহতীয়াকৈ এজন সন্দেহযুক্ত পাকিস্তানী গুপ্তচৰক আটক কৰিছে। ৩৬ বছৰীয়া ব্যক্তিজনক আৰক্ষীয়ে নিৰ্দিষ্ট তথ্যৰ আধাৰত গ্ৰেপ্তাৰ কৰিছে। তেওঁৰ পৰা বহু আপত্তিজনক নথিপত্ৰ উদ্ধাৰ কৰা হৈছে।

Listen to Article

2 min read

80%

ডিজিটেল ডেস্কঃ পুনৰ উন্মোচিত হ’ল পাকিস্তানৰ ষড়যন্ত্ৰ। কলকাতা আৰক্ষীয়ে শেহতীয়াকৈ এজন সন্দেহযুক্ত পাকিস্তানী গুপ্তচৰক আটক কৰিছে। ৩৬ বছৰীয়া ব্যক্তিজনক আৰক্ষীয়ে নিৰ্দিষ্ট তথ্যৰ আধাৰত গ্ৰেপ্তাৰ কৰিছে। তেওঁৰ পৰা বহু আপত্তিজনক নথিপত্ৰ উদ্ধাৰ কৰা হৈছে।

কলকাতা আৰক্ষীয়ে শুক্ৰবাৰে নিশা হাওৰাত থকা লোকজনৰ বাসগৃহৰ পৰা তেওঁক আটক কৰে। লোকজনক পিছত বিশেষ টাস্ক ফ'ৰ্চৰ কাৰ্যালয়ত কেইবা ঘণ্টা ধৰি জেৰাৰ চলোৱাৰ পিছত আজি তেওঁক আনুষ্ঠানিকভাৱে গ্ৰেপ্তাৰ কৰা হয়। বিহাৰৰ দৰভাঙ্গা জিলাৰ বাসিন্দা অভিযুক্তজন দেশৰ সুৰক্ষাৰ সৈতে আপোচ কৰিব পৰা কাৰ্যকলাপত জড়িত আছিল বুলি অভিযোগ কৰা হৈছে। ৰাষ্ট্ৰীয় নিৰাপত্তাৰ বাবে ক্ষতিকাৰক বুলি গণ্য কৰা কামৰ সৈতে তেওঁৰ পোনপটীয়া সম্পৰ্ক থকা বুলিও আৰক্ষীয়ে প্ৰকাশ কৰিছে।

এই সন্দৰ্ভত অধিক অনুসন্ধান চলালে বহু তথ্য লাভ কৰিব পৰা যাব বুলি আৰক্ষীয়ে কৈছে।লোক জনৰ পৰা ম'বাইল ফোন আৰু বহু সংবেদনশীল তথ্য উদ্ধাৰ কৰা হৈছে। অভিযোগ অনুসৰি লোক জনে সেইবোৰ তথ্য পাকিস্তানৰ এজন অচিনাক্ত এজেণ্টলৈ প্ৰেৰণ ককৰি আছিল।লোকজনক ৬ ছেপ্টেম্বৰলৈকে আৰক্ষীৰ জিম্মালৈ প্ৰেৰণ কৰা হৈছে। উল্লেখ্য পাকিস্তানে ভাৰতৰ গোপন তথ্য লাভ কৰাৰ বাবে হানি ট্ৰেপিঙকে ধৰি বহু পদ্ধতি অৱসম্বন কৰি আহিছে। কিছুদিন পূৰ্বে পাকিস্তানৰ হাতত ভাৰতৰ গোপন তথ্য তুলি দিয়াৰ অভিযোগত ডিআৰডিঅ’ৰ এজন বিজ্ঞানীকো গ্ৰেপ্তাৰ কৰা হৈছিল। ভাৰতৰ বহু লোকক পাকিস্তানে নানা ধৰণে প্ৰলোভিত কৰি ভাৰতৰ তথ্য সৰকাই নিয়াৰ ঘটনা নতুন হৈ থকা নাই।