ডিজিটেল ডেস্ক: কলকতাৰ আৰ.জি.কাৰ মেডিকেল কলেজ এণ্ড হাস্পতালত সংঘটিত এগৰাকী প্ৰশিক্ষাৰ্থী চিকিৎসকৰ ধৰ্ষণ আৰু হত্যাকাণ্ডই জোকাৰি গৈছে সমগ্ৰ দেশ৷ দেশজুৰি ক্ৰমাৎ বৰ্ধিত ক্ষোভৰ মাজতে মঙলবাৰে কলিকতা উচ্চ ন্যায়ালয়ে ঘটনা সন্দৰ্তভ চিবিআই তদন্তৰ নিৰ্দেশ দিছে। আৰু গোচৰ সম্পৰ্কীয় সকলো নথি-পত্ৰ চিবিআই হাতত গতাই দিবলৈ নিৰ্দেশ দিছে আৰক্ষীক৷
হাস্পতালখনৰ চেমিনাৰ হলৰ ভিতৰত উদ্ধাৰ হৈছিল স্নাতকোত্তৰ প্ৰশিক্ষাৰ্থী গৰাকীৰ মৃতদেহ৷ এই গোচৰৰ সৈতে জড়িত এজন ব্যক্তি শনিবাৰে গ্ৰেপ্তাৰ কৰা হয়।
ইয়াৰ আগতে তদন্তৰ গোচৰৰ ডায়েৰীখন দুপৰীয়া ১ বজাত উচ্চ ন্যায়ালয়ে আদালতৰ সন্মুখত দাখিল কৰিবলৈ নিৰ্দেশ দিছিল পশ্চিম বংগ চৰকাৰক।শুনানিৰ সময়ত চিকিৎসালয় কৰ্তৃপক্ষৰ প্ৰশাসনিক দুৰ্বলতাক লৈ উদ্দেগ প্ৰকাশকৰে উচ্চ ন্যায়ালয়ে।
প্ৰশিক্ষাৰ্থীগৰাকীৰ পিতৃ-মাতৃয়ে তদন্ত বিচাৰি উচ্চ ন্যায়ালয়ৰ দ্বাৰস্থ হৈছিল। আৰু ভুক্তভোগীৰ সমৰ্থনত, দেশজুৰি চৰকাৰী চিকিৎসালয়সমূহৰ আৱাসী চিকিৎসকসকলে প্ৰতিবাদ সাব্যস্ত কৰিছে।পশ্চিম বংগ আৰু দিল্লীৰ চিকিৎসকসকলে অনিৰ্দিষ্টকালীন ধৰ্মঘট আৰম্ভ কৰি অ’পিডি সেৱা আৰু অজৰুৰীকালীন অস্ত্ৰোপচাৰ স্থগিত ৰাখিছে।
ভুক্তভোগীয়ে ন্যায় লাভ নকৰালৈকে প্ৰতিবাদী কাৰ্য অব্যাহত থকিব বুলি জানিবলৈ দিয়ে প্ৰতিবাদকাৰী সকলে।
Continue Reading
