ডিজিটেল ডেস্ক: কৰ্ণাটকৰ বিদ্যালয়ৰ পাঠ্যক্ৰমৰ আঁতৰোৱা হ’ল আৰ এছ এছৰ প্ৰতিষ্ঠাপক কে বি হেডগেৱাৰৰ অধ্যায়৷ এই ঘোষণা কৰিছে কৰ্ণাটকৰ শিক্ষামন্ত্ৰী মধু বাংগাৰাপ্পাই৷ বিদ্যালয়ৰ পাঠ্যপুথি সংশোধন কৰাৰ সিদ্ধান্তক লৈ হোৱা বিবাদৰ মাজতে কৰ্ণাটক কেবিনেটে বৃহস্পতিবাৰে আৰ এছ এছৰ প্ৰতিষ্ঠাপক কে বি হেডগেৱাৰৰ সম্পৰ্কীয় এটা অধ্যায় বিদ্যালয়ৰ পাঠ্যক্ৰমৰ পৰা বাদ দিছে।
বাংগাৰাপ্পাই কয়, কে বি হেডেগেৱাৰৰ পাঠ্যক্ৰম বাদ দিয়া হৈছে৷ পূৰ্বৰ চৰকাৰে যোৱা বছৰ যিবোৰ পৰিৱৰ্তন কৰিছে, আমি ইয়াক সলনি কৰিছো আৰু যোৱা বছৰলৈ যি আছিল তাক পুনৰ প্ৰৱৰ্তন কৰিছোঁ৷
কংগ্ৰেছ নেতৃত্বাধীন কৰ্ণাটক চৰকাৰে দশম শ্ৰেণীৰ কানাড়া পাঠ্যপুথিৰ পৰা অধ্যায়টো বাতিল কৰিছে। পূৰ্বৰ বিজেপি চৰকাৰৰ কাৰ্যকালত ৰাজ্যৰ পাঠ্যক্ৰমত এই অধ্যায়টো প্ৰৱৰ্তন কৰা হৈছিল।
শেহতীয়াকৈ বাংগালুৰুত শৈক্ষিক সংস্কাৰৰ ওপৰত গুৰুত্ব দিয়া এখন বৈঠকত মুখ্যমন্ত্ৰী ছিদ্দাৰামাইয়া আৰু বিদ্যালয় শিক্ষামন্ত্ৰী মধু বাংগাৰাপ্পাই এই সিদ্ধান্তত উপনীত হৈছিল বুলি জানিব পৰা গৈছে।
কৰ্ণাটকৰ মন্ত্ৰী এইচ কে পাটিলে কৈছিল যে বিদ্যালয় আৰু মহাবিদ্যালয়সমূহত স্তোত্ৰৰ সৈতে সংবিধানৰ প্ৰস্তাৱনা আবৃত্তি কৰাৰ সিদ্ধান্তও কেবিনেট বৈঠকৰ সময়ত লোৱা হৈছিল। কংগ্ৰেছ চৰকাৰে পূৰ্বৰ বিজেপি চৰকাৰে প্ৰৱৰ্তন কৰা ধৰ্মীয় ধৰ্মান্তৰকৰণৰ বিৰুদ্ধে আইনখন বাতিল কৰাৰ সিদ্ধান্ত লৈছে বুলি ৰাজ্যখনৰ আইন আৰু সংসদীয় পৰিক্ৰমা মন্ত্ৰী পাটিলে সদৰী কৰে৷
কেবিনেটে কৃষি বজাৰৰ (এপিএমচি) ওপৰত এখন নতুন আইন প্ৰৱৰ্তন কৰাৰ সিদ্ধান্ত লৈছে যিয়ে বিজেপি শাসনত থাকোতে প্ৰণয়ন কৰা আইনৰ স্থান ল'ব।
বিজেপিৰ ৰাষ্ট্ৰীয় সাধাৰণ সম্পাদক চিটি ৰবিয়ে ৰাষ্ট্ৰীয় প্ৰতিষ্ঠানক দিয়া এক সাক্ষাৎকাৰতকয়, কংগ্ৰেছে পাঠ্যক্ৰম সলনি কৰিব পাৰে, তেওঁলোক ক্ষমতাত আছে কিন্তু তেওঁলোকে ইতিহাস সলনি কৰিব নোৱাৰে। সংঘ পৰিবাৰৰ দেশপ্ৰেমৰ বিষয়ে সকলোৱে জানে৷ সকলো ঠাইতে সংঘ পৰিবাৰৰ আদৰ্শ শক্তিশালী হৈ আহিছে, সেইটো সলনি কৰিব নোৱাৰি৷ আমাৰ আদৰ্শ দেশপ্ৰেম আৰু কংগ্ৰেছে দেশপ্ৰেম আঁতৰাব বিচাৰে নেকি বুলিও তেওঁ প্ৰশ্ন কৰে৷
Continue Reading
