কঁকাল পৰিছে দেশৰ অৰ্থনীতিৰ! তথাপি কিদৰে হোৰাহোৰে বাঢ়িছে আদানী-আম্বানীৰ সম্পত্তি?

ডিজিটেল ডেস্ক : ক’ভিডকে ধৰি বিভিন্ন দুৰ্যোগে এতিয়া দেশৰ অৰ্থনৈতিক ক্ষেত্ৰলৈ কঢ়িয়াই আনিছে অনগ্ৰসৰতা। ক’ভিডৰ ত্ৰাস আৰু ক’ভিড প্ৰতিৰোধৰ বাবে জাৰি কৰা লকডাউনে দেশৰ অৰ্থনীতিৰ কঁকাল একপ্ৰকাৰ ভাঙি পেলাইছে। দেশৰ সাধাৰণ জনগণৰ অৱস্থা এতিয়া শোচনীয়। ক্ষুদ্ৰ বেপাৰ-বাণিজ্যৰ ভেটি উচন কৰিছে লকডাউনে। কিন্তু তাৰ পাছতো দেশৰ একাংশ উদ্যোগপতিৰ অৱস্থা এতিয়া জয়জয়-ময়ময়। এইসকলৰ ভিতৰত অন্যতম হৈছে গৌতম আদানি। আদানিৰ বাবে এয়া অতি সুখৰ সময়। তেওঁ সম্পত্তিৰ ক্ষেত্ৰত এতিয়া জেফ বেজ’ছ আৰু ইলন মাস্ককো অতিক্ৰম কৰিছে। ২০২১ চনলৈকে, গৌতম আদানিৰ সম্পত্তি বৃদ্ধিৰ পৰিমাণ আছিল ৪৯ বিলিয়ন মাৰ্কিন ডলাৰ। সেই ফালৰ পৰা, তেওঁ জেফ বেজোছ, ইলন মাস্ক আৰু বাৰ্ণাৰ্ড আৰ্নল্টকো চেৰ পেলাইছে। অৱশ্যে যদিও তেওঁ সম্পদ বৃদ্ধিৰ ক্ষেত্ৰত তেওঁ আগবাঢ়ি আছে তথাপি মুকেশ আম্বানী এতিয়াও মুঠ সম্পত্তিৰ পৰিমাণৰ ফালৰ পৰা আগবাঢ়ি আছে। ধীৰুভাই আম্বানীৰ পুত্ৰৰ সম্পত্তিৰ মুঠ মূল্য হৈছে ১০৩ বিলিয়ন ডলাৰ। বাৰ্ষিক হিচাপত বৃদ্ধিৰ পৰিমাণ হৈছে ২৪শতাংশ। অৱশ্যে, ২০২১ চনত এজন উদ্যোগপতি হিচাপে আটাইতকৈ বেছি সুবিধা আদায় কৰিছে গৌতম আদানিয়ে। তেওঁৰ সম্পত্তি বছৰি ৪৯ বিলিয়ন ডলাৰৰ হাৰত বৃদ্ধি হৈ আছে। আনকি দেশৰ আটাইতকৈ ধনী মুকেশ আম্বানী বৰ্তমান দেশৰ আটাইতকৈ ধনী হ'লেও, যোৱা দহ বছৰত আদানিৰ সম্পত্তি বৃদ্ধিৰ হাৰ ১,৮৩০গুণ। যিটো এটা ৰেকৰ্ড। মুকেশ আম্বানীৰ সম্পত্তি এই দহ বছৰত ৪০০গুণ বৃদ্ধি পাইছে। অৰ্থাৎ, গৌতম আদানীয়ে মুকেশ আম্বানীক সম্পদ বৃদ্ধিৰ প্ৰশ্নত বহুত পিছ পেলাই দিছে। অৱশ্যে, মুঠ সম্পদৰ ক্ষেত্ৰত গৌতম নিজে এতিয়াও যথেষ্ট পিছ পৰি আছে। মুকেশ আম্বানীৰ সম্পত্তি হৈছে ১০৩ বিলিয়ন ডলাৰ- গৌতম আদানিৰ সম্পত্তি ৮১ বিলিয়ন ডলাৰ। যোৱা এবছৰত, অৰ্থাৎ কোভিড মহামাৰীৰ বছৰত, সমগ্ৰ দেশে এই দুজন উদ্যোগপতিৰ সম্পদ বৃদ্ধিৰ ব্যাপক প্ৰতিযোগিতা চলিছে। দুয়োজনে ব্যৱসায়ৰ নতুন দিশত তেওঁলোকৰ সাম্ৰাজ্য সম্প্ৰসাৰিত কৰিব বিচাৰিছে। দুয়োৰে এতিয়া লক্ষ্য হৈছে শক্তি খণ্ড। তেওঁলোকে দেশৰ বাহিৰৰ ক্ষেত্ৰলৈও তেওঁলোকৰ প্ৰভাৱ প্ৰসাৰিত কৰাৰ চেষ্টা কৰি আছে। ‘এম ৩ এম’ ‘হুৰুন গ্লোবেল লিষ্ট’ অনুসৰি, ভাৰতীয় উদ্যোগপতিসকলে বৰ্তমান সমগ্ৰ বিশ্বতে তেওঁলোকৰ সম্পদৰ অংশদাৰিত্ব বহন কৰি আছে। এয়া কেৱল আম্বানী-আদানি নহয় – তালিকাখনত আন ভালেমান নামো আছে। যেনে শিৱ নাডাৰ। তেওঁৰ পিছত আছে মুকেশ আম্বানী আৰু গৌতম আদানি। ইয়াৰ উপৰি, আটাইতকৈ কম বয়সীয়া মহিলা উদ্যোগী ফাল্গুনী নায়াৰও আছে তালিকাত।