অভিলেখ: প্ৰথম দিনাই ১২ৰ পৰা ১৪ বয়সৰ কিশোৰ-কিশোৰীক ক'ভিডৰ ২.৬০ লাখ ড’জ প্ৰদান

ডিজিটেল ডেস্ক: দেশত আৰম্ভ হৈছে কিশোৰ-কিশোৰীসকলৰ ক’ভিড ভেকচিনৰ প্ৰক্ৰিয়া৷ প্ৰথম দিনটোত দেশজুৰি ১২– ১৪ বছৰীয়া ২.৬০ লাখক ভেকচিনৰ প্ৰথমপালি প্ৰদান কৰা হৈছে। কেন্দ্ৰীয় স্বাস্থ্য-মন্ত্ৰণালয়ৰ তথ্য অনুসৰি, ১২ৰ পৰা ১৪ বছৰৰ ভিতৰত ৩ লাখতকৈয়ো অধিক কিশোৰ-কিশোৰীৱে ভেকচিন গ্ৰহণ কৰিছে৷ দেশত কিশোৰ-কিশোৰীসকলক প্ৰদান কৰা মুঠ ১৮০.৮০ কোটি ক’ভিড ভেকচিনৰ প্ৰথমপালি প্ৰদান কৰা হৈছে। বায়’লজীকেল ইৰ ইন্ট্ৰামাছকুলাৰ ভেকচিন কৰ্বেভেক্সৰ দুয়োটা ড’জ ২৮ দিনৰ ব্যৱধানত ১২– ১৪ বছৰ শিশুসকলক প্ৰদান কৰা হ’ব। লগতে মন্ত্ৰণালয়ে টুইটযোগে আৰু জনাইছে যে ৰাষ্ট্ৰীয় টিকাকৰণ দিৱসত ১২–১৪ বছৰ বয়সীয়াসকলক কৰ’নাৰ ভেকচিন দিয়া কাম আৰম্ভ হৈছে। ১৫ বছৰীয়াসকলক ইতিমধ্যে ১৫–১৮ বছৰ বয়সীয়াসকলৰ শ্ৰেণীৰ ভেকচিন দিয়াৰ সময়তে প্ৰদান কৰা হৈছে টিকা।   বিগত বৰ্ষৰ ১ মাৰ্চলৈকে, দেশখনত ১২ আৰু ১৩ বছৰ বয়সৰ ৪.৭ কোটি কিশোৰ-কিশোৰী আছিল। স্বাস্থ্যসেৱা আৰু ফ্ৰণ্টলাইন কৰ্মীৰ লগতে ৬০ বছৰৰ অধিক বয়সৰ লোকক ক’ভিড-১৯ ভেকচিনৰ ২.১৫ কোটিৰো অধিক পালি প্ৰদান কৰা হৈছে।   ৬০ বছৰ বা তাতকৈ অধিক বয়সৰ সকলো লোকক ক’ভিড ভেকচিনৰ পালিৰ বাবে বাছনি কৰা হৈছে। পালিটোৰ প্ৰাথমিকতা আৰু অনুক্ৰম দ্বিতীয় পালি প্ৰয়োগৰ তাৰিখৰ ৯ মাহৰ পৰা ৩৯ সপ্তাহ সম্পূৰ্ণ হোৱাৰ ওপৰত আধাৰিত হ’ব। দেশজুৰি টিকাকৰণ অভিযান ১৬ জানুৱাৰী, ২০২১ৰ পৰা আৰম্ভ কৰা হৈছিল, প্ৰথম পৰ্যায়ত স্বাস্থ্যসেৱা কৰ্মীসকলক টিকাকৰণ কৰা হৈছিল। ফ্ৰণ্টলাইন কৰ্মীসকলৰ টিকাকৰণ বিগত বছৰৰ ২ ফেব্ৰুৱাৰীৰ পৰা আৰম্ভ হৈছিল।