ডিজিটেল ডেস্ক: কৰোৱা চৌথ। কৰোৱা চৌথৰ দিনা বিবাহিতা মহিলাসকলে স্বামীৰ দীৰ্ঘায়ুৰ বাবে ব্ৰত ৰাখে। হিন্দু পঞ্জিকা ৰ মতে, কাৰ্তিক মাহৰ কৃষ্ণ পক্ষৰ চতুৰ্থী তিথিত কৰোৱা চৌথৰ পালন কৰা হয়। এই উপলক্ষে স্বামীৰ দীৰ্ঘজীৱনৰ বাবে বিবাহিতা মহিলাসকলে গোটেই দিনটো উপবাস কৰি নিৰ্জল ব্ৰত ৰাখি ৰাতি চন্দ্ৰক পানী আগবঢ়াই। তাৰ পাছতহে ব্ৰত ভংগ কৰে মহিলাসকলে। এই বিশেষ দিনটোত পাৰ্বতী, ভগৱান শিৱ আৰু ভগৱান গণেশকো পূজা কৰা হয়।
পিছে, চলিত বৰ্ষত কৰোৱা চৌথ উদযাপনৰ তাৰিখ সন্দৰ্ভত বিভ্ৰান্তিৰ সৃষ্টি হৈছে। এইবাৰ দুদিনীয়াকৈ পৰিছে কৰোৱা চৌথৰ তিথি। যাৰবাবে ১৩ আৰু ১৪ অক্টোবৰত কৰোৱা চৌথ উৎসৱ পালন কৰিব পাৰিব। অৱশ্যে ১৩ অক্টোবৰত কৰোৱা চৌথ উদযাপন কৰাটো শুভ বুলি কব খোজে অনেকে।
আপুনি কোনদিনা ব্ৰত ৰাখিলে লাভ কৰিব অধিক সুফল?
২০২২ চনৰ ১৩ অক্টোবৰ দিনটো কৰোৱা চৌথৰ ব্ৰত পালন কৰাৰ বাবে উত্তম। হিন্দু পঞ্জিকা অনুসৰি কাৰ্তিক মাহৰ কৃষ্ণ পক্ষৰ চতুৰ্থী তাৰিখ ১৩ অক্টোবৰ বৃহস্পতিবাৰে পুৱা ১:৫৯ বজাৰ পৰা আৰম্ভ হ’ব আৰু পিছদিনা ১৪ অক্টোবৰ অৰ্থাৎ শুকুৰবাৰে পুৱা ৩:০৮ বজালৈকে চলিব।
জ্যোতিষীসকলৰ মতে ১৩ অক্টোবৰত পূজা ১১:২১ বজাৰ পৰা ১২:০৭ বজালৈ আৰু অমৃত কাল মুহুৰ্ত বিয়লি ৪:০৮ বজাৰ পৰা ৫:৫০ বজালৈ হ’ব। একে সময়তে সন্ধিয়া ০৬:০১ বজাৰ পৰা সন্ধিয়া ৭:১৫ বজালৈকে সময়খিনিও পূজাৰ বাবে শুভ বুলি বিবেচিত হৈছে। নক্ষত্ৰমণ্ডলৰ মতে, ১৩ অক্টোবৰত কৰোৱা চৌথৰ দিনা নিশা ০৮:১৯ বজাত চন্দ্ৰ উদয় হ’ব। এই সকলোবোৰ কথাৰ প্ৰতি লক্ষ্য ৰাখি ১৩ অক্টোবৰত কৰব চৌথৰ ব্ৰত ৰখাটো শুভ হ’ব।
Continue Reading
