ডিজিটেল ডেস্কঃ বিজ্ঞাপনত ফাঁকি দি বিপদত যোগগুৰু বাবা ৰামদেৱ৷মঙলবাৰে উচ্চতম ন্যায়ালয়ে পতঞ্জলি আয়ুৰ্বেদে নিজৰ সামগ্ৰীৰ বিজ্ঞাপনত ৰোগ নিৰাময়ৰ বাবে মিছা দাবী উত্থাপন কৰাত আপত্তি প্ৰকাশ কৰাৰ লগতে এনে প্ৰথাৰ আশ্ৰয় লোৱাৰ বাবে কোম্পানীটোৰ ওপৰত জৰিমনা বিহাৰ ধমকি দিয়ে।
আই এম এৰ দ্বাৰা দাখিল কৰা আবেদনৰ শুনানি গ্ৰহণ কৰি পতঞ্জলিয়ে কভিড- ১৯ টীকাকৰণৰ বিৰুদ্ধে অভিযান আয়োজন কৰা বুলি অভিযোগ উত্থাপন কৰি ন্যায়াধীশ আহছানুদ্দিন আমানুল্লাহ আৰু প্ৰশান্ত কুমাৰ মিশ্ৰৰ বিচাৰপীঠে কেন্দ্ৰক আলোচনা কৰি বিভ্ৰান্তিৰ সৈতে মোকাবিলা কৰিবলৈ কিছু পৰামৰ্শ আগবঢ়াবলৈ কয়।বিচাৰপীঠে কয় যে- "পতঞ্জলি আয়ুৰ্বেদৰ সকলো ভুৱা আৰু বিভ্ৰান্তিকৰ বিজ্ঞাপন তৎক্ষণাত বন্ধ হ'ব লাগিব। এই আদালতে এনে নিয়ম উলংঘাক অতি গুৰুত্বসহকাৰে ল'ব, আৰু যিবোৰ সামগ্ৰীৰ সন্দৰ্ভত ভুৱা দাবী কৰা হয় যে ই নিৰাময় কৰিব পাৰে, সেইবোৰৰ ওপৰত ১ কোটি টকা পৰ্যন্ত জৰিমনা আৰোপ কৰাৰ কথা বিবেচনা কৰিব৷" Covid-19 মহামাৰীৰ সময়ত এলোপেথিক ঔষধ ব্যৱহাৰৰ বিৰুদ্ধে কৰা বিতৰ্কিত মন্তব্যৰ বাবে আই এম এৰ দ্বাৰা দাখিল কৰা গোচৰৰ সন্মুখীন হৈ ৰামদেৱ উচ্চতম ন্যায়ালয়ৰ কাষ চাপিছিল যিয়ে ৯ অক্টোবৰত গোচৰ বাতিলৰ আবেদন সন্দৰ্ভত কেন্দ্ৰ আৰু পতঞ্জলিলৈ জাননী জাৰি কৰিছিল।ৰামদেৱৰ বিৰুদ্ধে ভাৰতীয় দণ্ডবিধিৰ ১৮৮, ২৬৯, ৫০৪ ধাৰাত গোচৰ ৰুজু কৰা হৈছে।
Continue Reading
