ডিজিটেল ডেস্ক : বায়ুসেনাৰ MI-17V-5 নামৰ হেলিকপ্টাৰখন বুধবাৰে শোকাৱহ দুৰ্ঘটনাত পতিত হয় তামিলনাডুৰ কুন্নুৰত। তামিলনাডুৰ পশ্চিম প্ৰান্তৰ নীলগিৰি জিলাত অৱস্থিত এই কুন্নুৰ। প্ৰাকৃতিক সৌন্দৰ্যৰে ভৰপূৰ এই কুন্নুৰ পৰ্যটকৰ অন্যতম আকৰ্ষণস্থলী। তামিলনাডুৰ জৈৱ বৈচিত্ৰ্যৰ অন্যতম মূল কেন্দ্ৰ কুন্নুৰ। কুন্নুৰৰ চহকী প্ৰাকৃতিক সৌন্দৰ্যই হাত বাউলী মাতে দেশী-বিদেশী পৰ্যটকক। বছৰি লক্ষাধিক পৰ্যটকে ভিৰ কৰেহি ক্ষুদ্ৰ পাহাৰীয়া চহৰখন।
প্ৰায় ৪৫ হাজাৰ জনসংখ্যাৰ চহৰ কুন্নুৰৰ ছিমছ পাৰ্ক বিভিন্ন প্ৰজাতিৰ আপূৰুগীয়া উদ্ভিদৰ বাবে বিখ্যাত। এই কুন্নুৰতে অৱস্থিত তামিলনাডু কৃষি গৱেষণা কেন্দ্ৰও। ছিমছ পাৰ্কৰ সমীপতে অৱস্থিত পেষ্টিঅ’ৰ ইনষ্টিটিউট, য’ত প্ৰস্তুত কৰা হৈছিল ‘ৰেবিছ’ ৰোগৰ প্ৰতিষেধকো।
সাগৰপৃষ্ঠৰ পৰা ৬ হাজাৰ ফুট উচ্চতাত অৱস্থিত পাহাৰীয়া চহৰখনক বছৰৰ বেছিভাগ সময়েই আৱৰি ৰাখে ডাঠ কুঁৱলীয়ে। যাৰ বাবে ঠাইখনত সঘনে সংঘটিত হৈ আহিছে দুৰ্ঘটনা। আজিৰ এই হেলিকপ্টাৰ দুৰ্ঘটনাও ডাঠ কুঁৱলীৰ বাবেই হোৱা বুলি সন্দেহ কৰা হৈছে।
Continue Reading
