ডিজিটেল ডেস্ক: মধ্য ভাৰতৰ বিন্ধ্যা পৰ্বতৰ অলংকাৰ স্বৰূপ কুনু ৰাষ্ট্ৰীয় উদ্যান তাৰ কাহিনী তথা কিংবদন্তিৰ লগতে তাৰ মনোৰম সৌন্দৰ্যৰ বাবে বহু চৰ্চিত৷ কুনু ৰাষ্ট্ৰীয় উদ্দ্যানক লৈ নিশান্ত কাপুৰ আৰু ফাৰহান খানে 'The Forgotten Pride' নামেৰে এখন ডকুমেণ্টৰী নিৰ্মান কৰিছিল।এই কুনু ৰাষ্ট্ৰীয় উদ্যানতে মৃত চিতাবাঘ এটা নলাত আধা ডু্বি থকা অৱস্থাত বনবিষয়াই উদ্ধাৰ কৰা তথ্য পোহৰলৈ আহিছে।
প্ৰাপ্ত তথ্য অনুসৰি কুনু ৰাষ্ট্ৰীয় উদ্যানৰ নামিবিয়াৰ পৰা অনা চাৰি বছৰীয়া মতা চিতাবাঘ এটা মৃত অৱস্থাত উদ্যানৰ নলাত উদ্ধাৰ কৰিছে।
আফ্ৰিকাৰ পৰা স্থানান্তৰিত কৰা পাছত অষ্টমটো চিতাবাঘৰ মৃত্যু ঘটাৰ তথ্য পোহৰলৈ আহিছে। উদ্যান খনৰ মূখ্য বনসংৰক্ষক বিষয়া উত্তম শৰ্মাই সদৰি কৰা অনুসৰি যোৱাকালি পৱন নামৰ চিতাবাঘটো নলাত আধা ডু্বি থকা অৱস্থাত উদ্ধাৰ কৰে। চিতাবাঘটোৰ শৰীৰত পশু চিকিৎস্যকে কোনো আঘাটৰ চিন দেখিবলৈ পোৱা নাই বুলি জানিবলৈ দিছে৷
উল্লেখযোগ্য যে নামিবিয়াৰ পৰা ২০২২ চনৰ ছেপ্টেম্বত প্ৰজেক্ট চিতাৰ অধীনত ভাৰতলৈ প্ৰথম গোট আঠটা আৰু দক্ষিণ আফ্ৰিকাৰ পৰা যোৱা ফেব্ৰুৱাৰীত দ্বিতীয়টো গোটত ১২টা চিতাবাঘ কুনু ৰাষ্ট্ৰীয় উদ্যানলৈ অনা হৈছিল। দেশত চিতাৰ জনসংখ্যা হ্ৰাস পোৱা বাবে চিতাৰ জনসংখ্যাবৃদ্ধিৰ বাবে চৰকাৰে এই কাৰ্যসূচী আৰম্ভ কৰিছিল।
Continue Reading
