ডিজিটেল ডেস্ক: হিমালয়ৰ পাদদেশত অৱস্থিত প্ৰাকৃতিক সৌন্দৰ্য্যৰে ভৰপূৰ হিন্দু তীৰ্থস্থান তথা দেৱভূমি বুলি জনাজাত উত্তৰাখণ্ড। শেহতীয়াকৈএটা বিশেষ খবৰৰ বাবে চৰ্চা লাভ কৰিছে ৰাজ্য খনে।উত্তৰাখণ্ডৰ পিথোৰাগড়স্থিত ওম পাৰ্বতৰ পৰা অদৃশ্য হৈ পৰিছে 'ওম' চিহ্ন।এই ঘটনাই স্তম্ভিত কৰি তুলিছে উত্তৰাখণ্ডবাসীক ।
জানিব পৰা মতে, ওম পাৰ্বতৰ এই ওম চিহ্ন মানৱ সৃষ্ট নহয়, স্বাভাৱিকভাৱে গঢ় লৈ উঠিছিল এই চিহ্ন। জনসাধাৰণে প্ৰাকৃতিক কাৰণবসত এনেকুৱা হ’ব পাৰে বুলি ধাৰণা কৰিছে, একাংশ লোকে ইয়াত কোনো দুষ্ট চক্ৰৰ হস্তক্ষেপ আছে বুলি সন্দেহ প্ৰকাশ কৰিছে। ৰাজ্যখনৰ সংস্কৃতি আৰু ঐতিহ্যৰ বাহক আছিল ওম পাৰ্বত আৰু ইয়াৰ ওম চিহ্ন। এই ঘটনাৰ তদন্তৰ দাবী কৰিছে জনসাধাৰণে। ওম প্ৰতীক পুনৰুদ্ধাৰৰ বাবে অনুৰোধ জনাইছে চৰকাক।চৰকাৰে এই ঘটনাৰ তদন্ত আৰম্ভ কৰিছে বুলি জানিব পৰা গৈছে।
ওম পৰ্বতৰ ওম চিহ্ন অদৃশ্য হোৱাৰ ঘটনাই স্তম্ভিত কৰি তুলিছে সাধাৰণ ৰাইজক।পৰ্বতটোত থকা ওম চিহ্নৰ বাবে জনাজাত এই পৰ্বত। হিন্দু ধৰ্ম অনুসৰি ইয়াক পবিত্ৰ বুলি গণ্য কৰা হয়। ওম চিহ্ন নোহোৱা হোৱাৰ কাৰণ এতিয়াও ৰহস্যৰ আৱৰ্তত।পৰ্বতৰ ওম চিহ্ন স্বাভৱিক ভবে দৃশ্যমান হ’ব বুলি আশা কৰিছে উত্তৰাখণ্ডবাসীয়ে
জলবায়ু পৰিৱৰ্তনৰ প্ৰভাৱ বুলিও কব খোজে একাংশ লোকে, বৰ্ধিত উত্তাপ আৰু বতৰৰ দ্ৰুত পৰিৱৰ্তনৰ বাবে ব্যাপকভাৱে বৰফৰ পৰিমাণ হ্ৰাস পাইছে। পৰিবেশ সুৰক্ষাৰ বাবে এতিয়াও সচেতন নহ’লে এনেদৰেই হেৰাই যাব প্ৰকৃতিৰ অপূৰ্ব সৃষ্টি।
Continue Reading
