ডিজিটেল ডেস্কঃ ছাবা আজাদৰ প্ৰেমত হাবু ডাবু খাইছে হৃত্বিক ৰোছন। তেওঁলোকৰ প্ৰেম কাহিনী এতিয়া মুম্বাই চহৰৰ চৰ্চাৰ কেন্দ্ৰবিন্দু হৈ পৰিছে। সম্প্ৰতি ফ্ৰান্সত একেলগে অন্তৰংগ মুহূৰ্ত কটাইছে ছাবা-হৃত্বিকে। প্ৰেমৰ চহৰত ভালপোৱাৰ এনাজৰীত বান্ধ খাইছে এই তাৰকা যুটি।
পেৰিছত একেলগে কফি ডেটলৈ গৈছিল ছাবা আৰু হৃত্বিক। অভিনেতাজনে কফি হাউছতে প্ৰেমিকাৰ কেইবাখনো ছবি ক্লিক কৰা দেখিবলৈ পোৱা গ’ল। ছাবাক ফ্ৰেমত বন্দী কৰিছে হৃত্বিকে, সেই ছবিয়েই ছাবাই শ্বেয়াৰ কৰিছে ছ’চিয়েল মিডিয়াত। কেৱল সেয়াই নহয়, কফি ডেটৰ পিছত ফ্ৰান্সৰ ৰাজপথত দীঘলীয়া ড্ৰাইভত ছাবা-হৃত্বিক। খোলা হুড থকা গাড়ীত উঠিছে তাৰকা যুটিয়ে। ছাবাই লং ড্ৰাইভৰ কিছুমান মুহূৰ্ত শ্বুট কৰিছে। যদিও সেই ভিডিঅ’টোত ছাবা বা হৃত্বিকক দেখা পোৱা নাছিল।
অৱশ্যে, ভিডিঅ’টোৰ শেষৰ অংশত দেখিবলৈ পোৱা যায় হৃত্বিকৰ টুপীটো। ছাবাই এই ভিডিঅ’টো ছ’চিয়েল মিডিয়াত শ্বেয়াৰ কৰিছে। এই মুহূৰ্তত ভাইৰেল হৈ পৰিছিল ভিডিঅ’টো। পুৱাৰে পৰা টুইটাৰত ট্ৰেণ্ডিং লিষ্টত আছে ছাবা আৰু হৃত্বিক। কৰণ জোহৰৰ জন্মদিনত প্ৰথমবাৰৰ বাবে আনুষ্ঠানিকভাৱে একেলগে দেখিবলৈ পোৱা গৈছিল দুয়োকে। এইবাৰ প্ৰথমবাৰৰ বাবে ৰেষ্টুৰেণ্টত ছাবা-হৃত্বিক। মুঠতে প্ৰেমৰ চহৰত দুই প্ৰেমিক পখীৰ ভালপোৱাৰ হাঁহিবোৰে নেটিজেনৰ মাজত বিশেষভাৱে ক্ৰিয়া কৰা দেখা গৈছে।
Continue Reading
