লিভ-ইনত থকাৰহে মন; বিয়াত নবহে ! ৬৭ বছৰীয়া ৰামকলি প্ৰেমত ২৮ বছৰীয়া ভোলু

ডিজিটেল ডেস্ক : কোৱা হয় প্ৰেমৰ কোনো বয়স নাই, কোনো বাধা নাই৷ যিকোনো বয়সতে হ'ব পাৰে প্ৰেম। গোৱালিয়ৰত দেখা গৈছে প্ৰেমৰ এক আকৰ্ষণীয় ঘটনা। মোৰেনা জিলাৰ বাসিন্দা ৬৭ বছৰীয়া ৰামকলি প্ৰেমত পৰিছিল ২৮ বছৰীয়া এজন যুৱকৰ আৰু তাৰ পাছৰে পৰা দুয়ো এতিয়া লিভ-ইন সম্পৰ্কত আছে। দুয়োজনে কয় যে তেওঁলোকে ইজনে সিজনক ভাল পায় কিন্তু বিয়া কৰিব নিবিচাৰে। সেয়েহে, এই দুয়োজনে লিভ-ইন সম্পৰ্কক স্বীকৃতি দিবলৈ গোৱালিয়ৰ আদালতৰ সীমাত উপনীত হৈছে। দুয়োজনে লিভ-ইন সম্পৰ্কত থাকিবলৈ আদালতত এক নোটাৰী প্ৰস্তুত কৰিছে। অধিবক্তা দিলীপ অৱস্থীয়ে কৈছিল যে দম্পতীহাল মোৰেনা জিলাৰ কাইলাৰাছৰ বাসিন্দা। ৬৭ বছৰীয়া ৰামকলি আৰু ২৮ বছৰীয়া ভোলুৱে ইজনে সিজনক ভাল পায় আৰু ইজনে সিজনৰ সৈতে থাকিব বিচাৰে কিন্তু বিয়া কৰিব নিবিচাৰে। লিভ-ইন সম্পৰ্কত থাকোঁতে কোনো বিবাদ হ'ব নালাগে, সেয়েহে এই দুয়োজনে এক নোটাৰী প্ৰস্তুত কৰিছে। ইয়াৰ পূৰ্বে, ৰামকলি আৰু ভোলু গোৱালিয়ৰৰ জিলা আদালতত উপস্থিত হৈছিল৷ তেওঁলোক দুয়োজনে কৈছিল যে লিভ-ইন সম্পৰ্কত থাকোঁতে, ভৱিষ্যতে কোনো ধৰণৰ বিবাদ নহয় তাৰ বাবে তেওঁলোকে নথিপত্ৰৰ সৈতে নোটৰী তৈয়াৰ কৰিবলৈ আহিছে। অধিবক্তা প্ৰদীপ অৱস্থীয়ে কৈছিল যে এনে দম্পতীয়ে বিবাদ পৰিহাৰ কৰিবলৈ লিভ-ইন সম্পৰ্কৰ নোটৰী লাভ কৰে, কিন্তু এনে নথি-পত্ৰ আইনীভাৱে বৈধ নহয়।