নিবনুৱা আৰু দুৰ্নীতিৰ সমস্যাৰ বিৰুদ্ধে ১২ ঘন্টা দৌৰি বিধায়কৰ প্ৰতিবাদ

ডিজিটেল ডেস্ক : নিবনুৱা আৰু দুৰ্নীতিৰ সমস্যাৰ বিৰুদ্ধে এজন বিধায়কে ঘোষনা কৰিছে অভিনৱ প্ৰতিবাদ৷ বেহৰোৰ বিধানসভা সমষ্টিৰ নিৰ্দলীয় বিধায়ক বলজিৎ যাদৱে শুকুৰবাৰে নিবনুৱা আৰু দুৰ্নীতিৰ সমস্যাৰ বিৰুদ্ধে কেন্দ্ৰীয় উদ্যানত দৌৰি প্ৰতিবাদ সাব্যস্ত কৰে৷ বিধায়ক যাদৱে পোনপটীয়াকৈ ছ'চিয়েল মিডিয়াত ১২ঘণ্টাৰ দৌৰৰ এই প্ৰতিবাদ ঘোষণা কৰিছিল। নিৰ্দলীয় বিধায়ক বলজিৎ যাদৱে জয়পুৰৰ এখন উদ্যানত দৌৰি আৰইইটি কাকত ফাদিল কৰাৰ বাবে দায়ী বিষয়াসকলক গ্ৰেপ্তাৰ কৰাৰ দাবী উত্থাপন কৰিছিল৷ তেওঁ বৃহস্পতিবাৰেও ৰাজ্যিক বিধানসভাত প্ৰতিবাদ হিচাপে দৌৰাৰ কথা ঘোষণা কৰিছিল। তেঁও কয়, "মই ৰাজ্য চৰকাৰৰ বিৰুদ্ধে ক্ষোভ প্ৰকাশ কৰিছো। মই তেওঁলোকক ৰাজ্যখনৰ যুৱসকলৰ বেদনাৰ বিষয়ে ক'ব বিচাৰো। ২৩ খন ৰাজ্য আছে য'ত ৰাজস্থানৰ যুৱকসকলক চাকৰি দিয়া হোৱা নাই। আনকি ৰাজ্য চৰকাৰেও তেওঁলোকক চাকৰি দিয়া নাই, যুৱকসকল ক'লৈ যাব?' https://twitter.com/ANI_MP_CG_RJ/status/1507329406099853317?ref_src=twsrc%5Etfw%7Ctwcamp%5Etweetembed%7Ctwterm%5E1507329406099853317%7Ctwgr%5E%7Ctwcon%5Es1_&ref_url=https%3A%2F%2Fwww.ndtv.com%2Findia-news%2Frajasthan-mlas-12-hour-run-to-mark-protest-against-state-government-2843513 তেওঁ লগতে কয়, 'নিযুক্তি পৰীক্ষাত হোৱা অনিয়মৰ বাবে নিবনুৱাসকল অসহায় হৈ পৰিছে।' যাদৱে কৈছিল যে গুৰুকুল বিশ্ববিদ্যালয়ৰ উপাচাৰ্যই চৰকাৰক কৈছে যে আন্তঃগাঁথনি সাজু আছে আনহাতে বিধেয়কখনত উল্লেখ কৰা সমগ্ৰ আন্তঃগাঁথনি কেৱল কাগজতহে আছে। উল্লেখ্য যে যাদৱৰ দৌৰাৰ পৰিকল্পনাৰ বিষয়ে সম্ভেদ লাভ কৰাৰ পাছতে উদ্যানখনত আন বিধায়কসকলো উপস্থিত হৈছিল৷