আৰক্ষীয়ে জানিব পাৰিলে যে পীৰ বাবা মাজাৰৰ ওচৰত এটা বেঙুনীয়া ৰঙৰ ভ্ৰমণ মোনাত এটি মৃতদেহ ভৰাই থোৱা হৈছিল৷ ডিঙি কাটি হত্যা কৰা হয় বুলি জানিবলৈ দিয়ে আৰক্ষীয়ে৷
ডিজিটেল ডেস্ক : এটি বেঙুনীয়া ৰঙৰ মোনাৰ পৰা তেজৰ চেকুৰা বৈ আছে৷ প্ৰত্যক্ষদৰ্শীয়ে অবাক হৈ মোনাটোৰ কাষলৈ গৈ চাবলৈ প্ৰয়াস কৰিছে৷ অৱশেষত আৰক্ষীক এই বিষয়ে অৱগত কৰে৷ আৰক্ষীৰ ভাষ্য অনুসৰি মোনাটোত ভৰাই থোৱা আছে এজন যুৱকৰ মৃতদেহ৷ আৰক্ষীয়ে জনোৱা সুত্ৰ অনুসৰি শুকুৰবাৰে পুৱা উত্তৰ-পশ্চিম দিল্লীৰ মংগোলপুৰী অঞ্চলত এজন ১৭ বছৰীয়া যুৱকৰ মুণ্ডহীন দেহ এটা মোনাৰ ভিতৰত ভৰাই থোৱা অৱস্থাত পোৱা যায়। বৃহস্পতিবাৰে নিশাৰ পৰা যুৱকজন ৰোহিণী অঞ্চলৰ পৰা সন্ধানহীন হৈ আছিল।
শুকুৰবাৰে পুৱা ৭ বজাত মৃতদেহটোৰ সন্দৰ্ভত আৰক্ষীক অৱগত কৰা হৈছিল। ৱাই-ব্লক মংগোলপুৰীৰ বিপৰীতে থকা মেইন ৰোডৰ পীৰ বাবা মাজাৰৰ ওচৰত ঘটনাস্থলীত উপস্থিত হোৱাৰ পাছত আৰক্ষীয়ে জানিব পাৰিলে যে বেঙুনীয়া ৰঙৰ মোনাত ভৰাই থোৱা হৈছে মৃতদেহটো৷ ডিঙি কাটি হত্যা কৰি মোনাত ভৰাই থৈ যায় বুলি অবিহিত কৰে আৰক্ষীয়ে৷ এই সন্দৰ্ভত আৰক্ষী উপায়ুক্ত সমীৰ শৰ্মাই তদন্ত আৰম্ভ কৰে।
সকলো চুবুৰীয়া আৰক্ষী থানা আৰু জিলাক সন্ধানহীন ব্যক্তিজনৰ ৰেকৰ্ড পৰীক্ষা কৰাৰ বাবে অৱগত কৰা হয় বুলি আৰক্ষীয়ে প্ৰকাশ কৰে। অনুসন্ধানৰ সময়ত, মৃতব্যক্তিজনক ৰোহিণী চেক্টৰ-১ৰ বাসিন্দা হিচাপে চিনাক্ত কৰা হয়।
নিৰুদ্দেশ প্ৰতিবেদনৰ ভিত্তিত শুকুৰবাৰে দক্ষিণ ৰোহিণী আৰক্ষী থানাত ভাৰতীয় দণ্ডবিধিৰ ধাৰা ৩৬৩ (অপহৰণৰ শাস্তি)ৰ অধীনত এটা গোচৰ ৰুজু কৰা হয়। ৰোহিণীৰ স্থানীয় আৰক্ষীয়ে অধিক তদন্ত চলাই আছে বুলি আৰক্ষীয়ে অবিহিত কৰে।
