লুভীয়া দৰা! বিয়া মণ্ডপত কইনাঘৰৰ পৰা উৰাই-ঘূৰাই পিটন খালে দৰাই

ডিজিটেল ডেস্কঃ কোৱা হয় লোভেই পাপ..পাপেই মৃত্যু। যিকোনো বস্তু লোভ কৰাটো বৰ বেয়া কথা। এজন লুভীয়া দৰাৰ বৰ বিষম গতি হল। লোভৰ বাবেই কইনাঘৰৰ পৰা উৰাই-ঘূৰাই পিটন খালে দৰাই। দৰাজনৰ নাম মোজাম্মিল হুছেইন। মোজাম্মিল হুছেইনে বিয়া পাতিবৰ বাবে কইনাঘৰত ৰাখিছিল এটা চৰ্ত। সেই দৃশ্য এতিয়া সামাজিক মাধ্যমত ভাইৰেল হৈ পৰিছে। যি ভিডিঅটোত দেখা গৈছে দৰাৰ সাজত এজন লোকে কইনা ঘৰৰ মানুহৰ পৰা উৰাই ঘূৰাই কোব খাইছে। পৰিস্থিতি ভয়ংকৰ দেখি দৰাক বিয়া মণ্ডপতে এৰি পলায়ন কৰিলে দৰা পৰিয়ালৰ অন্য লোকসকল। এই ঘটনা উত্তৰ প্ৰদেশ গাজিয়াবাদৰ।

ঘটনা সন্দৰ্ভত জানিব পৰা অনুসৰি, দৰাই কইনা ঘৰত উপস্থিত হৈ বিয়াৰ সকলো নিয়ম সমাপন কৰে। কিন্তু অলপ পাছতে মণ্ডপত বহাৰ বাবে অমান্তি হয় দৰা মোজাম্মিল। হাতত নগদ ১০ লাখ টকা নিদিয়ালৈকে কইনাক বিয়া নকৰাও বুলি কয় মোজাম্মিল হুছেইনে। ইতিমধ্যে কইনাঘৰে বিয়াৰ পূৰ্বেই দৰাৰ দাবী অনুসৰি দৰাক ৩ লাখ টকা নগদ দিয়াৰ ওপৰিও ১ লাখ টকাৰো অধিক মূল্যৰ এটা হীৰাৰ আঙুঠি উপহাৰ দিছিল। কিন্তু সিমানতো মন নভৰিল লুভীয়া দৰা মোজাম্মিলৰ। লোভৰ কোবত পৰি বিবাহ মণ্ডপতে তেওঁ দাঙি ধৰে নিজৰ নতুন দাবী।

লগে লগে কইনা ঘৰৰ সকলো লোক খঙত জ্বলি পকি উঠে। টকাৰ বাবে কইনাক বিয়া নাপাতো বুলি কোৱা কাৰণে কইনাৰ পৰিয়ালৰ লোকে উত্তম-মাধ্যম শোধায় দৰাক। এই ঘটনাৰ বিষযে আৰক্ষীয়ে গম পোৱাত বিয়াথলীত উপস্থিত হৈ দৰাক উদ্ধাৰ কৰি গ্ৰেপ্তাৰ কৰে আৰু থানালৈ আনে। কইনাৰ ভাতৃয়ে দৰা আৰু তেওঁৰ পৰিয়ালৰ বিৰুদ্ধে থানাত এজাহাৰ দাখিল কৰে। অভিযুক্ত দৰাৰ বিৰুদ্ধে ভাৰতীয় দণ্ডবিধি (আইপিচি) ধাৰা ৪২০ আৰু যৌতুক নিষিদ্ধকৰণ আইন, ১৯৬১-ৰ অধীনত এটা গোচৰ ৰুজু কৰা হৈছে। পাছত গম পোৱা যায় যে মোজাম্মিল হুছেইনে পূৰ্বেও বহু কেইখন বিয়া পাতিছে আৰু যৌতুকৰ লোভত পত্নীক ত্যাগ কৰিছে।

আৰু পঢ়ক: জন্মদিনৰ উপহাৰ! ২ বছৰীয়া পুত্ৰক চন্দ্ৰৰ মাটি কিনি উপহাৰ দিলে পিতৃয়ে!