মা দূৰ্গাৰ আগমন হ’ব ঘোঁৰাত…নৱৰাত্ৰী ব্ৰতৰ শক্তি কিমান ?

গুৱাহাটী : শৰতৰ আগমনৰ লগে লগেই আৰম্ভ হয় উৎসৱৰ বতৰ৷ শেৱালীৰ সুৱাসে কঢ়িয়াই আনে দুৰ্গোৎসৱৰ আগজাননী৷ এই দুৰ্গোৎসৱত বহুতেই পালন কৰে নৱৰাত্ৰী৷ ২০২১বৰ্ষৰ নৱৰাত্ৰীৰ দিন ৯অক্টোবৰ বৃহস্পতিবাৰে আৰম্ভ হৈছে আৰু ১৫অক্টোবৰ, শুক্ৰবাৰে অন্ত পৰিব৷

নৱৰাত্ৰী এই ৯টা দিন অত্যন্ত পবিত্ৰ দিন হিচাপে মনা হয়। ৯টা দিনৰ ব্ৰত পালন কৰি জীৱনলৈ বহু সলনি কৰি দিব পাৰে বুলি বিশ্বাস আছে। এই নৱৰাত্ৰি ব্ৰতৰ শক্তি বহু বেছি৷ আমাৰ হিন্দু সমাজৰ মাজত পালন কৰা হয় নৱৰাত্ৰিৰ ৯টা পবিত্ৰ দিন, ৯টা পবিত্ৰ ৰাতি। ১০নম্বৰৰ দিনটো দশেৰা বা দশমী বুলি কোৱা হয়। দেৱীৰ প্ৰতি ভক্তি থকাসকলে এই ৯টা দিন ব্ৰত মানি সংযত অৱস্থাত, নিৰামিষ ভোজন কৰি , দেৱীৰ চৰণত দেৱীৰ নামত, এই ৯টা দিন উৎসৰ্গিত কৰে, তেন্তে জীৱনত বহু সালসলনি হব পাৰে বুলি বিশ্বাস আছে৷

২০২১বৰ্ষৰ মহালয়া পৰ্ব আৰম্ভ হ'ব ১৯আহিন, ৬অক্টোবৰ, বুধবাৰে। এইবাৰ মা দূৰ্গাৰ আগমন হ'ব ঘোঁৰাত আৰু গমন হব, দুলাত৷