মাজনিশালৈকে বৈঠক, যোগীৰ সৈতে ৰে'লৱে ষ্টেচনত 'নাইট ৱাক' মোদীৰ...

ডিজিটেল ডেস্ক : সোমবাৰে মাজনিশালৈকে প্ৰধানমন্ত্ৰী নৰেন্দ্ৰ মোদীয়ে অনুষ্ঠিত কৰিলে বৈঠক ৷ উত্তৰ প্ৰদেশৰ বাৰাণসীত সোমবাৰে কাশী বিশ্বনাথ প্ৰকল্পৰ প্ৰথম পৰ্যায়ৰ উদ্বোধনী অনুষ্ঠানত উপস্থিত হোৱা প্ৰধানমন্ত্ৰী নৰেন্দ্ৰ মোদী আৰু বিজেপিৰ মুখ্যমন্ত্ৰীসকলৰ সৈতে বৈঠকত মিলিত হয়৷ এই বৈঠকত ভাৰতক উন্নতিৰ শিখৰত প্ৰতিষ্ঠা কৰাৰ লক্ষ্যৰ আলোচনাত মিলিত হোৱা বুলি জানিব পৰা গৈছে৷

বিজেপিৰ মুখ্যমন্ত্ৰী আৰু উপমুখ্যমন্ত্ৰীৰে হোৱা প্ৰায় ৬ ঘণ্টাজোৰা বৈঠক ৰ পাছত প্ৰধানমন্ত্ৰীক দেখিবলৈ পোৱা গ'ল উত্তৰ প্ৰদেশৰ মুখ্যমন্ত্ৰীৰ সৈতে নিশা ৰেল'ৱে ষ্টেচনত খোজ কাঢ়ি থকা অৱস্থাত৷ মোদীয়ে বাৰাণস ষ্টেচনত উপস্থিত হৈ ৰাজ্যখনত ৰে'লৱে সেৱা উন্নত কৰাৰ পৰিকল্পনা কৰা লগতে পৰিষ্কাৰ, অত্যাধুনিক আৰু যাত্ৰীৰ সুবিধাৰে কাম কৰাৰ কথা উল্লেখ কৰে৷ এই বিষয়ে মোদীয়ে টুইটাৰত কয় যে, তেওঁ কাশীত গুৰুত্বপূৰ্ণ উন্নয়নমূলক কামবোৰ পৰিদৰ্শন কৰিছে। এই পবিত্ৰ চহৰখনক সৰ্বশ্ৰেষ্ঠ আন্তঃগাঁথনি দিয়াটো তেওঁলোকৰ প্ৰয়াস।

উল্লেখ্য যে বাৰাণসীত আজি পুনৰ বৈঠকত মিলিত হ'ব মুখ্যমন্ত্ৰীসকলৰ সৈতে প্ৰধানমন্ত্ৰী মোদী৷ ৰাজ্যখনত অনুষ্ঠিত হ'ব লগা আগন্তুক বিধানসভা নিৰ্বাচনক লৈ বিশেষ পৰিকল্পনা প্ৰস্তুত কৰাৰ সম্ভাৱনা আছে এই বৈঠকত৷ বৰ্তমান বিজেপিৰ শাসনত থকা উত্তৰ প্ৰদেশৰ চৰকাৰখনে পুনৰ আগন্তুক নিৰ্বাচনত সংখ্যাগৰিষ্ঠতা লাভৰ চেষ্টাৰে তৈয়াৰ কৰিব নিৰ্বাচনী ৰণকৌশল৷ মোদীৰ দ্বিতীয়া দিনৰ কাৰ্যসূচীত বাৰাণসীৰ বিখ্যাত মন্দিৰ চৌহদত অনুষ্ঠিত এক কাৰ্যসূচীত অংশগ্ৰহণ কৰি দিল্লীলৈ উভটিব৷