ডিজিটেল ডেস্ক: ৰাজ্যজুৰি অব্যাহত থকা ড্ৰাগছ বিৰোধী অভিযানৰ অংশ হিচাপে পুনৰ এক সফলতা লাভ কৰিছে ৰূপহীহাট আৰক্ষীয়ে। এক গোপন সূত্ৰৰ পম খেদি ৰূপহীহাটৰ গুনাবাড়ি পুঠিখাইতীত আৰক্ষীয়ে চলোৱা এক অভিযানত বুজন পৰিমাণৰ ড্ৰাগছসহ এজন সৰবৰাহকাৰীক হাতে-লোটে আটক কৰিবলৈ সক্ষম হয়।
ধৃত ড্ৰাগছ সৰবৰাহকাৰী জনক আশ্বাদুল ইছলাম বুলি চিনাক্ত কৰা হৈছে। আৰক্ষীয়ে জনোৱা মতে, ধৃত যুৱকজনৰ জিম্মাৰ পৰা ২৫ টাকৈ ড্ৰাগছ ভৰ্তি কণ্টেনাৰ জব্দ কৰা হৈছে।
জব্দকৃত ড্ৰাগছখিনিৰ মুঠ ওজন প্ৰায় ৩.১৭ গ্ৰাম বুলি জানিব পৰা গৈছে।
এই ঘটনাৰ সৈতে ড্ৰাগছ ব্যৱসায়ৰ আৰু কোন কোন জড়িত আছে, সেই সন্দৰ্ভত অধিক তথ্য লাভৰ বাবে আৰক্ষীয়ে বৰ্তমান ধৃত আশ্বাদুলক তীব্ৰ জেৰা অব্যাহত ৰাখিছে।
Continue Reading
