মানৱ দৰদী ভাৰত! আফগানিস্তানক সহায়ৰ বাবে বাজেটত ২০০ কোটি টকা ধাৰ্য

ডিজিটেল ডেস্কঃ মঙলবাৰে পুৱা ১১ বজাত সংসদত নিৰ্মলা সীতাৰমণে কেন্দ্ৰীয় বাজেট দাখিল কৰে। বাজেটখনত কেইবাটাও গুৰুত্বপূৰ্ণ বিষয়ে স্থান পাইছে। বিত্তমন্ত্ৰী নিৰ্মলা সীতাৰমণে উত্তৰ-পূবৰ উন্নয়নৰ বাবে উত্থাপন কৰিছে কেইবাখনো বিশেষ আঁচনি৷ উত্তৰ-পূৰ্বৰ বিকাশৰ বাবে ১৫০০ কোটি টকাৰ পেকেজ ধাৰ্য কৰে এই বাজেটত। উল্লেখ্য যে ২০২২-২৩ বিত্তীয় বৰ্ষৰ বাবে ভাৰতৰ বাজেটত আফগানিস্তানক সাহায্য হিচাপে প্ৰদান কৰিবলৈ ২০০ কোটি টকা আৱণ্টন কৰা হৈছে। আফগানিস্তান এতিয়া সম্পূৰ্ণ ৰূপে বিধ্বস্ত এখন দেশ। যোৱা বছৰ আগষ্টত তালিবানে আফগানিস্তান দখল কৰাৰ পাছত আফগানিস্তানৰ সাধাৰণ নাগৰিকৰ জীৱনৰ নিৰাপত্তা একেবাৰে নোহোৱা হৈ পৰিছে। এতিয়া যেন আফগানিস্তানৰ লোকসকলে দুবেলা-দুমুঠি খাবৰ বাবেও হাহাকাৰ কৰিব লগা হৈছে। পৰিস্থিতিয়ে এনে পৰ্যায় পাইছে যে, আফগানিস্তানৰ ৰাজধানী চহৰ কাবুলৰ সাধাৰণ নাগৰিকে দুবেলা-দুমুঠি খাবৰ বাবেও আৰ্তনাদ কৰিব লগা হৈছে। দৰিদ্ৰতা আৰু অনাহাৰত ভুগি থকা বহুতো আফগানী লোকে তেওঁলোকৰ সন্তানক বাধ্য হৈ বিক্ৰীও কৰিছে। পৰিস্থিতি এনে পৰ্যায় পাইছেগৈ যে আফগানিস্তানৰ বহু লোকে নিজৰ কিডনী পৰ্যন্ত বিক্ৰী কৰিব লগা হৈছে। এই দেশখনক সহায় কৰাৰ উদ্দেশ্যৰে ভাৰতীয় বিত্তীয় বাজেট ২০২২ত আফগানিস্তানৰ বাবে ২০০ কোটি টকা ধাৰ্য কৰা হৈছে। ২০০১ চনৰ পৰা ভাৰতে আমেৰিকা যুক্তৰাষ্ট্ৰৰ পিছত মানৱীয় ভিত্তিত আফগানিস্তানক আটাইতকৈ বেছি সহায় কৰি আহিছে। এই মাহত ভাৰতীয় ঘেঁহুও আফগানিস্তানে লাভ কৰিব। যোৱা বছৰৰ তুলনাত সহায়ৰ পৰিমাণ এইবাৰ হ্ৰাস কৰা হৈছে। যোৱা বছৰ ভাৰতে আফগানিস্তানক ৩৫০ কোটি টকাৰ সাহায্য আগবঢ়াইছিল। আৰু পঢ়কঃ প্ৰথম অসমীয়া; ইষ্টাৰ্ণ আৰ্মীৰ কামাণ্ডাৰ-ইন-চীফ হিচাপে দায়িত্ব গ্ৰহণ ৰাণা প্ৰতাপ কলিতাৰ