ডিজিটেল ডেস্ক: মঙলদৈত সংঘটিত হৈছে এক শোকাৱহ পথ দুর্ঘটনা। নিশা পথৰ কাষৰ লাইট পোষ্টত খুন্দা মৰাৰ ফলত এজন যুৱকৰ মৃত্যু।
২ নং বেজপাৰাত সংঘটিত হয় এই শোকাৱহ দুৰ্ঘটনা। নিশা হোৱা ঘটনা ৰাতিপুৱাহে পোহৰলৈ আহে।
প্ৰাতঃভ্রমণলৈ যোৱা লোকে প্ৰত্যক্ষ কৰে মৃতদেহ। মৃত যুৱকজন নাহৰবাৰীৰ শ্যামল শৰ্মা বুলি জানিব পৰা গৈছে।
শ্যামল শৰ্মা মঙলদৈৰ ড্ৰীম থিয়েটাৰৰ অপাৰেটৰ আছিল। নিশা নিজৰ কৰ্মস্থলীৰ পৰা শ্যামলে ঘৰলৈ বাইকেৰে গৈ থকা অৱস্থাত লাইট পোষ্টত খুন্দিয়াই পথৰ কাষতে থকা এটা মেটেকা ভৰ্তি খাৱৈত পৰাত দুৰ্ঘটনাটো সংঘটিত হয়।
প্ৰাতঃ ভ্ৰমণলৈ যোৱা একাংশ লোকে প্ৰথমে পথৰ ওপৰত মোবাইলটো প্ৰত্যক্ষ কৰাৰ পিছতহে মেটেকাৰ মাজত যুৱকজন প্ৰত্যক্ষ কৰে।
এই ঘটনাকলৈ সমগ্ৰ অঞ্চলজুৰি গভীৰ শোকৰ ছাঁ পৰিছে।
Continue Reading
