ডিজিটেল ডেস্কঃ মালাইকা আৰোৰা বলীউডৰ অন্যতম ‘ফিটনেছ ফ্ৰিক’। তেওঁ যি ঠাইতে নাথাকক কিয়, যিয়েই নকৰক কিয়, মালাইকাই ৪৮ বছৰ বয়সতো ব্যায়াম কৰিবলৈ কেতিয়াও নাপাহৰে। দৈনিক ডায়েটৰ লগতে শাৰীৰিক ব্যায়ামো তেওঁ অব্যাহত ৰাখে। জিমতকৈ ঘৰতে যোগাসন কৰাটো মালাইকাই পছন্দ কৰে।
মালাইকাৰ ইনষ্টাগ্ৰাম পেজত চকু ৰাখিলে তেওঁ ব্যায়াম কৰা ছবি দেখিবলৈ পাব। বিভিন্ন ভংগীমাত যোগাসন কৰি থকা দেখা যায় মালাইকাক। শেহতীয়াকৈ মালাইকাই কয় যে ওজন নিয়ন্ত্ৰণত ৰখাৰ উপৰিও যোগাসনে মানসিক চাপমুক্ত কৰি ৰখাতো সহায় কৰে। মালাইকা নিজেই ইয়াৰ দ্বাৰা লাভৱান হৈছে।
অতিৰিক্ত কামৰ মানসিক চাপ, সম্পৰ্কৰ জটিলতা, কৰ্মক্ষেত্ৰত প্ৰতিযোগিতা আদি হৈছে আজিকালি বহুতে হতাশাত ভুগি থকাৰ কাৰণ। মন আৰু মগজুৰ বাহিৰেও এই বিষণ্ণতাই শৰীৰতো প্ৰভাৱ পেলায়। বহুতে মানসিক চাপ কমোৱাৰ বাবে বিভিন্ন পদ্ধতি ব্যৱহাৰ কৰে। কিন্তু মানসিক চাপ আৰু উদ্বেগ দূৰ কৰাৰ এক সহজ উপায় বিচাৰি পাইছে মালাইকাই। মলাইকাই নিজৰ ইনষ্টাগ্ৰামত এটা ভিডিঅ’ শ্বেয়াৰ কৰে। তাত অভিনেত্ৰীগৰাকীয়ে মার্জাৰাসন কৰা দেখা যায়। মালাইকাৰ মতে, নিয়মিতভাৱে এই যোগ ভংগীমা কৰিলে মানসিক চাপমুক্ত হৈ থাকিবলৈ সহজ হয়।
মার্জাৰাসন কেনেকৈ কৰিব?
আঁঠু আৰু হাতৰ তলুৱা মাটিত ৰাখি কঁকাল ওপৰলৈ তুলিব লাগে। মুখখন যিমান পাৰি ওপৰলৈ তুলি লওক। যাতে ঘৰৰ চালখন স্পষ্টকৈ দেখা পায়। কিছু সময় এই ভংগীমাত থকাৰ পিছত পুনৰ স্বাভাৱিক অৱস্থালৈ আহক। অন্য যোগ আসনৰ লগতে দৈনিক এই আসন কৰক। মাৰ্জাৰ শব্দটোৰ অৰ্থ মেকুৰী। এই ধৰণৰ আসনত মেৰুদণ্ডৰ প্ৰসাৰণ যথেষ্ট ভাল হয়। এনে কৰিলে পিঠিৰ বিষ, কঁকালৰ বিষ আৰু ডিঙিৰ বিষ উপশম হয়। মাহেকীয়াৰ সময়তো এই আসন কৰাটো ভাল বুলি ধৰা হয়। মার্জাৰাসন কৰিলে অনেক সুফল লাভ কৰিব।
Continue Reading
