ডিজিটেল ডেস্কঃ বলীউডৰ অন্যতম শক্তি দম্পতি হৈছে বিপাশা বসু আৰু কৰণ সিং গ্ৰোভাৰ। বং সৌন্দৰ্য বিপাশা আৰু কৰণ সিঙে প্ৰথমবাৰৰ বাবে ২০১৫ চনত মুক্তি হোৱা এল ’ন চলচ্চিত্ৰৰ ছেটত লগ পাইছিল। কৰণ আৰু বিপাশা২০১৬ চনৰ এপ্ৰিলত বিবাহপাশত আৱদ্ধ হৈছিল।
যদিও বিপাশা কৰণ সিং গ্ৰোভাৰৰ তৃতীয় পত্নী। তেওঁলোকৰ বিবাহৰ পিছৰে পৰা, বিভিন্ন সময়ত বিপাশা বসু গৰ্ভৱতী হোৱাৰ খবৰ পোৱা গৈছে। কিন্তু প্ৰতিবাৰেই এই অনুমানক খাৰিজ কৰে দম্পতীয়ে। কিন্তু এইবাৰ বিপাশা মাতৃ হ'বলৈ গৈ আছে। বিপাশা বসু আৰু কৰণ সিং গ্ৰোভাৰে সোনকালেই তেওঁলোকৰ প্ৰথম সন্তানৰ আগমনৰ কথা ঘোষণা কৰিব।
প্ৰতিবেদন অনুসৰি, বিপাশাই শীঘ্ৰেই তেওঁৰ গৰ্ভধাৰণৰ কথা ঘোষণা কৰিব কিন্তু এই সন্দৰ্ভত তাৰকা দম্পতীয়ে এতিয়ালৈকে একো ঘোষণা কৰা নাই।
আগতেও বহুবাৰ বিপাশা গৰ্ভৱতী বুলি শুনা গৈছিল। সেই সময়ত, বিপাশাক ঢিলা পোছাক পিন্ধা দেখা গৈছিল। কিন্তু নেটিজেনে মন্তব্য দিবলৈ আৰম্ভ কৰিছে যে, কৰণ আৰু বিপাশা বসুৱে এইবাৰ সঁচাকৈয়ে তেওঁলোকৰ প্ৰথম সন্তান জন্ম দিব উলাইছে বুলি। বিপাশাই শেহতীয়াকৈ বেবী বাম্প লুকুৱাবলৈ এনে ধৰণৰ পোছাক পিন্ধা দেখা গৈছিল, তেতিয়াই নেটিজেনৰ এই সন্দেহ অধিক ঘনিভূত হৈছিল।
আনকি তেওঁ আপলড কৰা মন্তব্য শাখাতো, বিপাশা মাতৃ হ'ব নে নহয় তাক লৈ যেন নেটিজেনৰ উচাহৰ অন্ত নাই। একাংশ নেটিজেনৰ মতে, বিপাশা বসুৱে ঢিলা পোছাক পিন্ধাৰ কাৰণ হৈছে মুম্বাইৰ গৰম, আনহাতে কিছুমানে যুক্তি দিয়ে যে এইটো বেবী বাম্প লুকুৱাবলৈ বিপাশাই এই পোছাক পিন্ধিছে।
Continue Reading
