মছজিদত আত্মঘাতী বিস্ফোৰণ! ৩০ জনৰ মৃত্যু,৫০ৰো অধিক গুৰুতৰভাৱে আহত

ডিজিটেল ডেস্কঃ ভয়ংকৰ বোমা বিস্ফোৰণত কঁপি উঠিল পাকিস্তান। পাকিস্তানৰ পেছাৱৰৰ কোচা ৰিচালদাৰ অঞ্চলৰ কিছা খোৱানী বজাৰৰ এক মছজিদত এক আত্মঘাতী বিস্ফোৰণৰ ঘটনা সংঘটিত হৈছে। শুকুৰবাৰৰ নামাজৰ সময়ত সংঘটিত হোৱা এই ভয়ংকৰ বিস্ফোৰণত ৩০ জন লোকৰ মৃত্যু হোৱাৰ লগতে ৫০ জনৰো অধিক লোক গুৰুতৰভাৱে আহত হৈছে। আহত লোক কেইজনক ততাতৈয়াকৈ হাস্পতালত ভৰ্তি কৰোৱা হৈছে। মৃত্যুৰ সংখ্যা বৃদ্ধি পোৱাৰ আশংকা।আহতসকলৰ ভিতৰত ১০ জনৰো অধিক লোকৰ অৱস্থা অতি সংকটজনক। পেছাৱাৰ আৰক্ষীয়ে সদৰী কৰা অনুসৰি দুজন লোকে চহৰখনৰ কিছা খোৱানী বজাৰৰ মছজিদত প্ৰৱেশ কৰিবলৈ চেষ্টা কৰিছিল আৰু তাত থিয় হৈ থকা আৰক্ষীৰ ওপৰত গুলীচালনা কৰিছিল। ইয়াৰে এজন আৰক্ষী নিহত হোৱাৰ লগতে আনজন আৰক্ষী গুৰুতৰভাৱে আহত হৈছিল। ইয়াৰ পাছতে মছজিদত ভয়ংকৰ বিস্ফোৰণ সংঘটিত হয়। আৰক্ষী আৰু নিৰাপত্তাৰক্ষীয়ে সমগ্ৰ অঞ্চলটো বৰ্তমান ঘেৰাও কৰিছে। জোৰদাৰ তদন্তত নামি পৰিছে পাকিস্তান আৰক্ষী। এই বিস্ফোৰণ কোনে সংঘটিত কৰিলে সেয়া জানিব পৰা হোৱা নাই। আৰু পঢ়কঃ বিদ্যালয়ত শিক্ষয়িত্ৰীৰ হাতত ধৰি ছাত্ৰৰ অন্তৰংগ নৃত্য! তীব্ৰ সমালোচনা